موضوع خاص للابوذيه

[عدنان الحمامي]

بسمه تعالى

سلام عليكم جميعا اعزائي شعراء وشاعرات المنتدى المبارك

الموضوع وباختصار حتى لانطيل عليكم وهوه موضوع طويل وعريض

بسبب الاراء والتي يتناقلها الشعراء حول الابوذيه

وباختصار

من المفردات والاشعار المعروفه واللطيفه والتي يتناقلها

البعض وبسلاسه

تتكون الابوذيه وهي من بحر الوافر وتفعيلتها

مفاعيلن -- مفاعيلن -- فعولان --

وذكر البعض ان الابوذيه تاخذ التفعيلات التاليه

مفاعيلن -- مفاعيلن -- فعولُ

وهذه تفعيلات البحر الوافر ويتبع هذا البحر ايظاً

وزن النصاري -- ووزن العتابه --

وهما وزنان من اوزان الشعر الشعبي العراقي

وتتكون الابوذيه من اربع اشطر ثلاثه منها متحدة الجُناس

ومختلفة المعنى

والرابع بياء مشدده مع هاء

مثال

على الزهره الفرح مايوم بسمار

هظيمه والهظم جرعته بسمار

الاشد تنصاب وسط الضلع بسمار

او وگع محسن تشوفه اعله الوطيه

-----
وهذا بيت اخر

من مثلي تعذبت من صباها

ودم يجري دمعها من صباها

يبو فاضل العينك من صباها

انهدم سوري وعدوك شمت بيه

اسال الله التوفيق للجميع انشاء الله والنجاح في خدمة محمد وال محمد ص


سيد عدنان الحمامي

[أم أبيها]

بسم الله الرحمن الرحيم

اللهم صل على محمد وال محمد وعجل فرجهم الشريف

بارك الله فيك والدنا العزيز السيد عدنان الحمامي

انا مومن الشاعرات <<<<<<<<< جان زين

نتمنى لو كتابة شطر في حق اهل البيت عليهم السلام وناخذ الاجر والثواب لكن زي مانت عارف هذي موهبه / والبركه فيكم رعاكم الله وحفظكم من كل مكروه ويلاء بحق الصلاة على محمد وال بيته الطيبين الطاهرين .

تقبل مروري

[عدنان الحمامي]

بسمه تعالى

ام ابيها سلام عليكم عساكم في احسن حال

اسال الله ن يعطيك ما تتمنين انشاء الله

وهذا مرورك هو مشاركه ومساهمه منك في رفد المنتدى بكلمات طيبه

وولائيه وخدمة لمحمد وال محمد ص

اشكر مروركم الكريم وكلماتكم الطيبه

[عاشقة زينب ع]

السلام عليكم ورحمة الله وبركاته

شكرا جزيلا سيد عدنان


على الموضوع
ان شاء الله نستفاد جميعا
من خبرتكم

بارك الله بجهودكم
لكم مني اجمل تحية

[جعفر النجار]

شكرا جزيلا مولانه الجليل
وبارك الله فيك

جعفر النجار

[عماد النجفي]

بارك الله فيك سيدنه الغالي وافقه الله لسانك لحدمة اهل ابيت

وحشرنا الله واياك مع اجدادك الميامين
------------------------------------------
خادمكم عماد النجفي

[الشاعر عباس الفتلاوى]

بارك الله بيك مولاي سيد عدنان على هل الموضوع القيم ... تقبل مروري
ــــــــــــــــــــــــــــــــــــــــــــــــ

اخوك الشاعر عباس الفتلاوى

[ملا كاظم الخفاجي]

ياريت ابوذيات للمولد الميمون سيدنا

[عدنان الحمامي]

بسمه تعالى

كاظم الخفاجي سلام عليكم

انشاء الله يرفدوك بما تحتاج من ابوذيات وقصائد شعرائنا انشاء الله

ودعائنا لكم بالتوفيق انشاء الله

[ملا كاظم الخفاجي]

بسمه تعالى

كاظم الخفاجي سلام عليكم

انشاء الله يرفدوك بما تحتاج من ابوذيات وقصائد شعرائنا انشاء الله

ودعائنا لكم بالتوفيق انشاء الله
الله يوفقك سيدنا بن الزهره الزجيه شكرا على اهتمامك بي ياريت لو ترسل لي بريدك الالكتروني لنتعامل سويه اذا متمانع خصوصا سوف اعمل قرص جديد انشاء الله ووفقني حبيبي الحسين ع

[خادم القائم]

بارك الله بجهودك شاعرنا

[قطرة مطر]

شكرا لك أستاذ عدنان جعلتني أتمسك بالكتابة الشعرية أكثر وأكثر
وكذلك عندما قرأت أساسيات الأبو ذية أحببت أن أنقل لك تجربتي في الأبوذية طبعا أنا أول مرة أكتب مثل هذا الشيء أرجو أن تبدي رأيك فيها وتصلح أخطائي فيها أن وجدت وترشدني إلى الصواب*
** الأبوذية للإمام الحسين **
أهتف و نادي يا حسين يبناي
إلك صرح شامخ ولا زال يبناي
صرت يوم الولادة أصرخ يَبَناي
أبنٍي القصر في الجنة العلية

:blush-anim-cl: أرجو الرد علي لأني جدا متحمسة لرأيك :blush-anim-cl:

[فارس خيبر]

ما شاء الله عليكم
مشكور وما تقصر عمـو عدنان
موفقين لخدمة اهل البيت (ع)
خادمكم ومحبكم | فارس خيبر

[بنت الهدى 1]

ومنكم نستفيــــــــــــد سيدنــــــــــــــا ..


باركـ الله فيكـ ..


وبإنتظآآآآآر المزيــــــد ..


:SuN024::SuN024:

[ابن الكاظمية الملا]

السلام عليكم احسنت يا استاذي وشاعرنه العزيز على هذه الكلام المعطر بذكر اهل البيت عليهم السلام موضوع جدا رائع احسنت ووفقك الله لكل خير انه على كل شي قدير

خادمك الصغير ملا علي الكاظمي

[المواليه]

سيد عدنان يعني لازم تكون الكلمات متشابهه بس معانيه مختلفه لو ميهم تنطي نفس المعنى

والف شكر

[أكرم النجفي]

شكرا لهذا لأبداع

[عاشقة زينب الكبرى]

اللهم صل على محمد وال محمد

[أحمد الحسيني]

السلام عليكم
اعطيكم هذة الابوذية وارجو ان تعجبكم

يالباب يالباب الماعندك وفة تدري ضلع منهي الهشمته هاي ام الوفة شلون اعصرتها

عل حايط بكل غلضة وبقسوة دفعتها انشدك هم اسمعت صوت الضلع لمن كسرته

[عدنان الحمامي]

بسمه تعالى

المواليه سلام عليكم وربي يرعاكم


الابوذيه تتكون من اربع اشطر وثلاث جناسات وكل جناس يعطي معنى اخر

مثلا ومبسط

عيني اعله الضعن لو للسه مايه -- يعني للسماء

ردت طارش يجيني لسه مايه -- يعني لحد الان ما اجه او ماوصل

الفرات شلون باقي لسه مايه -- يعني الماء لحد الان موجود

وحسين انكسر ظهره اعله اخيه

هذه المعلومه ممكن تستافدون منها

تحياتي

[محمد المالكي]

الاخ السيد عدنان الحمامي
بارك الله بك وجعلكم وجعلنا من خدمة الحسين وكربلاء وال بيت الرسول
عليهم افضل الصلاة والسلام
اهتمام ومبادرة جميله لزرع الفائده لكل عشاق الشعر الشعبي
يجزيك الله الف خير
واتمنى من كل اخوتنا الشعراء ان ينفعوا اخوتهم بما يملكون من معلومات
لان
خير الناس من نفع الناس
فلا يبخل احدنا بما يملك ليرتقي بنفسه وباخيه الى مراتب متقدمه

شكرا لكم من كل قلبي

[تاج]

السلام عليكم ورحمة الله وبركاتة
بارك الله فيك سيدنا عدنان الحمامي على هذا الموضوع وهذه الدروس
القيمة انا أعتبرها دروس لان نستفيد منها كثيرا في كتبتنا أتمنى أن تكثر
من هذه الدروس وأتمنى أن تذكر لي بعض من اسماء الكتب لتعلم الاوزان
الشعرية سااكون لك ممنون كثيرا جزاك الله خيرا على خدمتكم لأهل البيت ع
تقبل مرووووري وشكرا

[ملا علي حامد الكاظمي]

السلام عليكم

موفق يا استاذنا وشاعرنا الكبير للخدمه الحسينيه الله ايوفقك لنشر الشعر الحسيني

ملا علي حامد الكاظمي

[ام الاربعه الاقمار]

شـكــ وبارك الله فيك ـــرا لك ... لك مني أجمل تحية .
جزاكم الله الجنة

[رشيد الشويلي]

احسنتم سيدنا وفقك الله لخدمة الحسين(ع)
الى يوم نلقاه فيه عيانا.. دمت موفقاً

[شاعر ولكن]

ما أن دخلت إلى المنتدى إلى ووجدتُ المنتدى يكتض بنجوم تنير للجيل الجديد طريق
وتستمد نورها من شمس الهداية ونور الولاية وقمر الحق
نور محمد وآل محمد
بوركتم سيدنا على هذه المعلومات القيمة
ورزقنا الله واياكم دوام التوفيق والتسديد بطريق أهل البيت عليهم السلام

[برجيل]

احسنتم سيدناعلى هذه المبادره الكبيره لاتضيع عند اهل البيت وارجو ا تكون هناك مشاركات في هذه الصفحه حتى تصبح بيتا مباركا يحج اليه الشعر اء من محبي اهل البيت

[برجيل]

عليمه وعلمي من سالف وحالي
ربي بالذي يجرى وحى لي
حالك تكضي عالغبره وحالي
على حالك تبجي لأحزانه البريه

[حسن زيدان الطائي]

السلام عليكم جميعاً احبتي ورحمة الله

كما اوجه خالص الود لاستاذي شاعر اهل البيت السيد الحمامي وارجو منه ان يقبلني ضيفاً

جديداً بين صفحاته الراقيه و اود اهدائكم اول مشاركه لي في المنتدى ونستفتح بالصلاة على محمد وال محمد


صلاة بعدد إنسك من تـــــصلي
وياك لغص طه من تــــــــــصلي
فرض ربك على احمد من تصلي
بتره بــــــــلا صلاة اعله البـقيه


وصل ربك عترته من صلاها
ولخيه الشمس ردها من صلاها
تدري النار تخجل من صلاها
عله الصلى اعلهل خير البريه


يمن لعنان زهر النجم خيلاك
ويمن دكت حصون الامم خيلاك
موسى انت وعلي هارون خي لاك
وحسن وحسين ركنك والزجيه


الى مولاي صاحب الامر والزمان عج


الزمن اعوج وغيرك من يعدله
وحملنه المال كلي من يعدله
الفطن ساعة ظهوره من يعدله
يحط روحه اعله جفه بكل مسيه


فالنعرج سوياً الى احزان اهل البيت ع مادام مازلنا في ايام محرم






الحسين مع الاصحاب عليهم السلام جميعا


بجيت وكل حزن ثاوي صحا باي
اصيح ولاشهم منكم صحى باي
انهضو وشوفو اضعوني صحاباي
خلاف اوجودكم صارت سبيــــــه


عليكم دم بجت عيني وهملات
وعلي دنياي همها ارجت وهملات
نصرتو الدين يصحابي وهم لات
وبذلتو ارواحكم يهل الحميه


بكَيت اصفج عليكم راح بالراح
وصفه ضعني شبيه السفه بالريح
دخله يروح كل الراح بالراح
عكَب ماراحت اليوث الوطيه




فاطمه العليله


العليله النوح منها الجسم خله
تصيح شحال خل العاف خله
يبويه الطفل من اتروح خله
اريده لوحدتي وسلوه اليه


الحسين مع القاسم عليهم السلام


المصايب عالمصايب قاسمني
بقدر محملت صبري قاسه مني
علي اشهد يلاهي قاسم مني
وكل طعنه انطعنها احس بيه


ام القاسم


شكثر ونيت الك يبني وحنيت
وعله رباك انكسر ظهري وحنيت
صدكَ قاسم رحت عني وحنيت
جفوف العرس من دم المنيه


الحسين مع الاكبر عليهم السلام


شبه كوكب وكَف بالطف يليله
شعاع ويزدهي بضيّه يـليـله
وكَع ابنج تعالــيــلـه يـلـيـلـه
علي مرمي يليله اعله الوطيه


ام علي الاكبر


بجت عيني بدمعها من صباها
وعزاك بسمه السابع من صباها
ييمه جروح كَلبك من صباها
فجع كَلبه الفجعني بهالبليه




الحسين مع الاكبر عليهم السلام


عزيز ولاتظن ينحمل بعداك
ويريت سهام كَلبك علي بعداك
على الدنيا العفى يولدي بعداك
مظلمه اخلاف شخصك هالدنيه




زينب


دصبن سيل من الدمع وهلاي
وعلي ذرن تراب البين وهلاي
شلون العيش ليّه يطيب وهلاي
صرعى اعله الارض ضلو رميه




الزهراء مع الحسين عليهم السلام




عليك عيوني دم يحسين صبن
وعلي ايام دهري حزن صبن
سهام البين يبني اعليك صبن
ونه مكَدر اصد وشكَف بديه




انظرك وانت عاري اتلوج ظهراي
ومثل كسرك لخوك انكسر ظهراي
اهيم وارد اشبكَك لجن ظهراي
انمنع يبني عليك شلون بيه




بجيتك حد قرح عيني وصبها
ودمع ماضل بعد بيها وصبها
المصايب لو ردت اجمع وصبها
على ايامي ليالي اصبحت هيه




ام البنين


دمه من دموع عيني سال مني
وعكَبكم ضلع ماضل سالم مني
جفوف الدهر بالهم سالمني
وكَطع جف ابني برض الغاضريه




الحسين مع العباس عليهم السلام


عكَبك منهو كَلي يشيل علماي
ذخري انت وصنت بالجود علماي
جفوف ارخصت خويه وروح علماي
لـجـل تـسـكَـي اطفـال الـغـاضـريــه


الدهر عكَبك عليّه سـيـوف سـلها
نحل جسمي وبكَايه احشاي سلها
تكَلي بصبر روحي اعليك سلها
وبجينا اعليك انا وصبري سويه


زينب ع مع ابو الفضل ع

وسفه اكَطعوا منك هاي وهاي
وحرت بيمن الوذ بستر وي هاي
اطفي خيام هاي وشمر وي هاي
ويصيح احركو خيام الهاشميه


حسن زيدان الطائي

[حسن زيدان الطائي]

الى الامام الحجه عج


يمهدي انت اله العرش مهداك
شبه طه لجميع البشر مهداك
يمن جبريل هز بلطف مهداك
وحنى جنحه عليك من الاذيه


حسن الطائي

[عدنان الحمامي]

حسن زيدان احسنت كثيرا ابوذيات جميله

ممكن اتنزل اشعارك في قسم الشعر الحسيني وهذا الموضوع خاص للابوذيه

تحياتي ودعائي الجنابكم الكريم

[علي هاشم البدراوي]

جزاك الله الف خير مولاي

بارك الله بك

وتسجل في موازين حسناتكم

اخوكم علي

[ابو علي السعيدي]

الاخ الشاعر عدنان الحمامي المحترم
بارك الله فيكم وجعلها في ميزان الاعمال ولكم هذا البيت اقول

يزينب من تغير شفت..حالج
اسيره ولا ذره والليل..حالج
المصايب يختي هدن حيل..حالج
وبقيتي صامده رغم الاذيه

تحيات
اخوكم
ابو علي السعيدي

[ابو صادق البصري]

السلام عليكم سيدنا وشاعرنا وفقك الله عز وجل لكل خير وارفدك من معينه الصافي في خدمة محمد وال محمد (ص)بكل الكلمات الجميله لما تقدمه من خدمه لرفع راية الشعر بحب الأطهار (ع)
خادمكم ابو صادق البصري
موازينك اذا رجحن وثقلن
ابمحبة طه هادينه وثقلين
تأكد ما يمسك شر وثقلن
يصيبك من جهنم اي اذيه
والسلام ختام

[رامي نوري البدراوي]

احسنت مولاي الغالي بارك الله فيك وجعلك من خدام جدتك الزهراء عليها السلام
******************
الشاعر رامي نوري البدراوي

[ورد عراقي]

سيدنا الجليل عدنان

بارك الله فيك على الطرح المميز

موفق بأذن الله تعالى