عدنان الحمامي
14-04-08, 04:05 AM
بسمه تعالى
ليالي الفاطميه
قصائد لوفاة الزهراء عليها السلام
--------
1
---
المستهل
---
بس غمضت عيناك -- بويه يابويه
اتحزبت كل اعداك -- بويه يابويه
ابخدي ماتت عبره -- ضلعي اشراح ايجبره
بويه يابويه
---------
يابويه يبست دمعتي بعيوني
ومن ظيمهم ذبلن يبويه اجفوني
اشيردون مني ابحزني ميخلوني
اوديعتك عدهم يالنبي ونكروني
بيه شكثر وصيت -- بويه يابويه
اوديعتي من ناديت -- بويه يابويه
حگي ليش اينكره -- ضلعي اشراح ايجبره
بويه يابويه
-------------
يابويه صوتي أمن الضمير المجروح
من گلب مظيوم أ وتصدع بالنوح
چم نايبه وآلام حملت هالروح
خلافك يبويه الدين والحگ مذبوح
هم وهظم وآلام -- بويه يابويه
جرَعوني الظلام -- بويه يابويه
چم شوغه چم حسره -- ضلعي اشراح ايجبره
بويه يابويه
--------------
يابويه احچيلك واسولف وظعي
شتگول لو عالخد تشاهد دمعي
مو عندي حگ منك وحگي شرعي
اتجاسروا ليش اعليه كسروا ضلعي
للدار اجوا للدار -- بويه يابويه
بابي حرگوها ابنار -- بويه يابويه
الله امن العصره -- ضلعي اشراح ايجبره
-----------
اهلالك بعد ماتم يبويه اغيابه
اتجاسروا للدار اعتنوا طلابه
وحدَك يدوسه الظالم واذنابه
او دار الوحي ابياشرع حرگوا بابه
حرفوا سنن واحكام -- بويه يابويه
ناس العبدت اصنام -- بويه يابويه
چف الظالم جسره -- ضلعي اشراح ايجبره
بويه يابويه
----------
ظالم وچف ظالم علينه اتجسر
چي گلت من بعدي عليكم حيدر
وجبريل من نصبت حيدر يحظر
مو بخبخوا بالسن شنهو اتغير
حيدر علي نكروه -- بويه يابويه
ميراث الي سلبوه -- بويه يابويه
ريتك حالي اتنظره -- ضلعي اشراح ايجبره
بويه يابويه
------------
ضلعين كسروا مو ضلع من عندي
اودم الصدر بالعتبه مني يجري
من وگع محسن بويه بيه هم تدري
ابها الفاجعه ينختم بويه عمري
جيتك عالخد دمعي -- بويه يابويه
ابعينك شاهد ضلعي -- بويه يابويه
باچر شنهوا عذره -- ضلعي اشراح ايجبره
بويه يابويه
------------
قصيده رقم 2
-----
المستهل
------
شيعني -- ودعني -- ابليل اظلم يبو الحسنين
-------
أوصي ياعلي اوصيتي -- گبل ماتغمض اعيوني
نعشي لومتت باليل -- يحيدر من تشيعوني
اروحن للنبي ابهظمي -- اروح الدمعه بجفوني
واراويله كسر ضلعي -- واگله ابضلعي جازوني
مهظومه -- مظلومه -- اجيتك دمعتي بالعين
--------------
مظلومه يخير الناس -- اسولف للنبي اشبيه
اگله امتك بعدك -- جسرت يالنبي اعليه
وديعه امودعه عدهم -- أموصيهم بالوصيه
لادار الوحي ايهابوه -- ونته بويه راعيه
اجوا للدار -- شبوا نار -- وبصدري انكسر ضلعين
---------------
ضلعين اكسروا مني -- لابويه وكلشي احچيله
ودم السال من ضلعي -- لبويه كون اراويله
وادري ابوالدي ادري -- يتنطرني هاليله
يحيدر نعشي لتخليه -- الوجه الصبح وتشيله
ابهدوة ليل -- نعشي اتشيل -- وبالله ياعلي امودعين
--------------
عشت ايامي خو تدري -- والفني الحزن والنوح
ابدار احزاني والالام -- عمري ابهل الحزن مذبوح
وبعينك يحيدر شوف -- ضلعي والصدر مجروح
واعليه المنيه اتحوم -- اتريد اتفيض مني الروح
عشت اهموم -- وچنها اليوم -- ساعتها المنيتي اتحين
----------
ياحيدر حسن وحسين -- عگبي عينك اعليهم
الهم افرش اعيونك -- وجفونك تغطيهم
وزينب رايده زينب -- ام الهم تباريهم
آنه لورحت ونته -- خيمه ياعلي اعليهم
تظل يمهم -- عگب امهم -- ترعاه للحسن وحسين
--------
ترعاهم بعد ماروح -- ونته اتصارع الالام
يحيدر هم بعد تغمض -- عينك عالهظيمه اتنام
صبرك ماجزه احدود -- ابثاري اتطالب الظلام
يولا خايف اعله الدين -- وترضه فاطمه تنظام
ياحيدر -- تتصبر -- كله من اجل هالدين
--------
القصيده رقم 3
-----
المستهل
------
صدگ يم الحسن هليتي دمع العين
من عندچ ضلع مكسور لو ضلعين
--------
صدگ تبچين ونتي المابچت عينچ
ومن كثر الحزن الله الذي ايعينچ
گالوا ينسمع يافاطمه اونينچ
وليل انهار من كثر الهظم تبچين
----------
لاتبچين دمعچ غالي لتهليه
وگلبچ بالالم يالزهره لتسليه
مو لجلچ سمائه الخالق امعليه
وباري الكون يغضب لمن اتغضبين
-------
اشلون اتجاسرت چف القدر عالباب
ومن صدرچ ضلع يم الحسن ينصاب
هوه لو جرح يافاطمه چا طاب
اجروح اهواي منهن ياجرح تشكين
-------------
تشكين المصايب عگب سيد الكون
يالزهره ومندري يامصيبه اتهون
فگد المصطفى والحگچ ايغصبون
لو محد فزعلچ لمن اتنادين
---------
ناديتي علي عنچ علي وينه
وشچان العذر مابينچ وبينه
مو ضلع المهشم شافته عينه
ويسمع چان من آلامچ اتونين
--------
ونيتي وگبل ماتغمض اعيونچ
ابظلمة ليل وصيتي يدفنونچ
گبل الموت انتي منخطف لونچ
المن زينب اتعيفيها والحسنين
-----------
القصيده رقم 4
المستهل -- على طريقة -- الحگ يبونه ياعلي والخيام حرگوها
----------
وشلون ترضه ياعلي لم الحسن هضموها
ماهيجك كسر الضلع بالباب من عصروها
--------
يابا الحسن وشصبرك لاذت الزهره ابابك
وشلون داسوا يافحل اهل الرديه اعتابك
ونته الذي ابسوح اوغى حتى المنيه اتهابك
وسفه يحدر فاطمه بوجودك ايبچوها
----------
بوجودك اتهل الدمع يابا الحسن ترضاها
ومايوم بوجود النبي الزهره بچت عيناها
مو عندك اوديعه النبي لم الحسن خلاها
وشگال گلبك ياعلي من اسمعت ضربوها
-----------------
يالبحر جودك مانشف يالتكرم انته الضيفك
چتال ابن ودَ ياعلي ومرحب شطرته ابسيفك
للزهره ماندري اشعجب ما گمت تاخذ حيفك
وباب البدارك ياعلي اتعاينها من حرگوها
-------
يبطل صفين الذي جندلت كل فرسانها
ابطال منك تنخرس يعگد الموت السانها
يمجفل اگلوب الكفر تشهد انسها وجانها
بگرابه سيفك ظل صدگ وام الحسن ظلموها
-------------
يانبا عمه وهل اتى ياطور سيناء وبره
يالچفك ايرد الشمس ياداحي باب الخيره
اهتز العرش لم الحسن گلبك مندري اشصبره
وتشوفهم لهل الرده ابكسر الضلع جازوها
-----------------
بگرابه سيفك ظل صدگ ما رجف ما حشم الك
ياعلي سيفك لو رجف بالغمد يندار الفلك
ما واحد ابوجهك وگف چم فارس ابسيفك هلك
متگلي شنهو الصبرك دارك فلا هابوها
---------------
اللهم ارزقنا شفاعة الزهراء عليها السلام
سيد عدنان الحمامي
نسالكم الدعاء
ليالي الفاطميه
قصائد لوفاة الزهراء عليها السلام
--------
1
---
المستهل
---
بس غمضت عيناك -- بويه يابويه
اتحزبت كل اعداك -- بويه يابويه
ابخدي ماتت عبره -- ضلعي اشراح ايجبره
بويه يابويه
---------
يابويه يبست دمعتي بعيوني
ومن ظيمهم ذبلن يبويه اجفوني
اشيردون مني ابحزني ميخلوني
اوديعتك عدهم يالنبي ونكروني
بيه شكثر وصيت -- بويه يابويه
اوديعتي من ناديت -- بويه يابويه
حگي ليش اينكره -- ضلعي اشراح ايجبره
بويه يابويه
-------------
يابويه صوتي أمن الضمير المجروح
من گلب مظيوم أ وتصدع بالنوح
چم نايبه وآلام حملت هالروح
خلافك يبويه الدين والحگ مذبوح
هم وهظم وآلام -- بويه يابويه
جرَعوني الظلام -- بويه يابويه
چم شوغه چم حسره -- ضلعي اشراح ايجبره
بويه يابويه
--------------
يابويه احچيلك واسولف وظعي
شتگول لو عالخد تشاهد دمعي
مو عندي حگ منك وحگي شرعي
اتجاسروا ليش اعليه كسروا ضلعي
للدار اجوا للدار -- بويه يابويه
بابي حرگوها ابنار -- بويه يابويه
الله امن العصره -- ضلعي اشراح ايجبره
-----------
اهلالك بعد ماتم يبويه اغيابه
اتجاسروا للدار اعتنوا طلابه
وحدَك يدوسه الظالم واذنابه
او دار الوحي ابياشرع حرگوا بابه
حرفوا سنن واحكام -- بويه يابويه
ناس العبدت اصنام -- بويه يابويه
چف الظالم جسره -- ضلعي اشراح ايجبره
بويه يابويه
----------
ظالم وچف ظالم علينه اتجسر
چي گلت من بعدي عليكم حيدر
وجبريل من نصبت حيدر يحظر
مو بخبخوا بالسن شنهو اتغير
حيدر علي نكروه -- بويه يابويه
ميراث الي سلبوه -- بويه يابويه
ريتك حالي اتنظره -- ضلعي اشراح ايجبره
بويه يابويه
------------
ضلعين كسروا مو ضلع من عندي
اودم الصدر بالعتبه مني يجري
من وگع محسن بويه بيه هم تدري
ابها الفاجعه ينختم بويه عمري
جيتك عالخد دمعي -- بويه يابويه
ابعينك شاهد ضلعي -- بويه يابويه
باچر شنهوا عذره -- ضلعي اشراح ايجبره
بويه يابويه
------------
قصيده رقم 2
-----
المستهل
------
شيعني -- ودعني -- ابليل اظلم يبو الحسنين
-------
أوصي ياعلي اوصيتي -- گبل ماتغمض اعيوني
نعشي لومتت باليل -- يحيدر من تشيعوني
اروحن للنبي ابهظمي -- اروح الدمعه بجفوني
واراويله كسر ضلعي -- واگله ابضلعي جازوني
مهظومه -- مظلومه -- اجيتك دمعتي بالعين
--------------
مظلومه يخير الناس -- اسولف للنبي اشبيه
اگله امتك بعدك -- جسرت يالنبي اعليه
وديعه امودعه عدهم -- أموصيهم بالوصيه
لادار الوحي ايهابوه -- ونته بويه راعيه
اجوا للدار -- شبوا نار -- وبصدري انكسر ضلعين
---------------
ضلعين اكسروا مني -- لابويه وكلشي احچيله
ودم السال من ضلعي -- لبويه كون اراويله
وادري ابوالدي ادري -- يتنطرني هاليله
يحيدر نعشي لتخليه -- الوجه الصبح وتشيله
ابهدوة ليل -- نعشي اتشيل -- وبالله ياعلي امودعين
--------------
عشت ايامي خو تدري -- والفني الحزن والنوح
ابدار احزاني والالام -- عمري ابهل الحزن مذبوح
وبعينك يحيدر شوف -- ضلعي والصدر مجروح
واعليه المنيه اتحوم -- اتريد اتفيض مني الروح
عشت اهموم -- وچنها اليوم -- ساعتها المنيتي اتحين
----------
ياحيدر حسن وحسين -- عگبي عينك اعليهم
الهم افرش اعيونك -- وجفونك تغطيهم
وزينب رايده زينب -- ام الهم تباريهم
آنه لورحت ونته -- خيمه ياعلي اعليهم
تظل يمهم -- عگب امهم -- ترعاه للحسن وحسين
--------
ترعاهم بعد ماروح -- ونته اتصارع الالام
يحيدر هم بعد تغمض -- عينك عالهظيمه اتنام
صبرك ماجزه احدود -- ابثاري اتطالب الظلام
يولا خايف اعله الدين -- وترضه فاطمه تنظام
ياحيدر -- تتصبر -- كله من اجل هالدين
--------
القصيده رقم 3
-----
المستهل
------
صدگ يم الحسن هليتي دمع العين
من عندچ ضلع مكسور لو ضلعين
--------
صدگ تبچين ونتي المابچت عينچ
ومن كثر الحزن الله الذي ايعينچ
گالوا ينسمع يافاطمه اونينچ
وليل انهار من كثر الهظم تبچين
----------
لاتبچين دمعچ غالي لتهليه
وگلبچ بالالم يالزهره لتسليه
مو لجلچ سمائه الخالق امعليه
وباري الكون يغضب لمن اتغضبين
-------
اشلون اتجاسرت چف القدر عالباب
ومن صدرچ ضلع يم الحسن ينصاب
هوه لو جرح يافاطمه چا طاب
اجروح اهواي منهن ياجرح تشكين
-------------
تشكين المصايب عگب سيد الكون
يالزهره ومندري يامصيبه اتهون
فگد المصطفى والحگچ ايغصبون
لو محد فزعلچ لمن اتنادين
---------
ناديتي علي عنچ علي وينه
وشچان العذر مابينچ وبينه
مو ضلع المهشم شافته عينه
ويسمع چان من آلامچ اتونين
--------
ونيتي وگبل ماتغمض اعيونچ
ابظلمة ليل وصيتي يدفنونچ
گبل الموت انتي منخطف لونچ
المن زينب اتعيفيها والحسنين
-----------
القصيده رقم 4
المستهل -- على طريقة -- الحگ يبونه ياعلي والخيام حرگوها
----------
وشلون ترضه ياعلي لم الحسن هضموها
ماهيجك كسر الضلع بالباب من عصروها
--------
يابا الحسن وشصبرك لاذت الزهره ابابك
وشلون داسوا يافحل اهل الرديه اعتابك
ونته الذي ابسوح اوغى حتى المنيه اتهابك
وسفه يحدر فاطمه بوجودك ايبچوها
----------
بوجودك اتهل الدمع يابا الحسن ترضاها
ومايوم بوجود النبي الزهره بچت عيناها
مو عندك اوديعه النبي لم الحسن خلاها
وشگال گلبك ياعلي من اسمعت ضربوها
-----------------
يالبحر جودك مانشف يالتكرم انته الضيفك
چتال ابن ودَ ياعلي ومرحب شطرته ابسيفك
للزهره ماندري اشعجب ما گمت تاخذ حيفك
وباب البدارك ياعلي اتعاينها من حرگوها
-------
يبطل صفين الذي جندلت كل فرسانها
ابطال منك تنخرس يعگد الموت السانها
يمجفل اگلوب الكفر تشهد انسها وجانها
بگرابه سيفك ظل صدگ وام الحسن ظلموها
-------------
يانبا عمه وهل اتى ياطور سيناء وبره
يالچفك ايرد الشمس ياداحي باب الخيره
اهتز العرش لم الحسن گلبك مندري اشصبره
وتشوفهم لهل الرده ابكسر الضلع جازوها
-----------------
بگرابه سيفك ظل صدگ ما رجف ما حشم الك
ياعلي سيفك لو رجف بالغمد يندار الفلك
ما واحد ابوجهك وگف چم فارس ابسيفك هلك
متگلي شنهو الصبرك دارك فلا هابوها
---------------
اللهم ارزقنا شفاعة الزهراء عليها السلام
سيد عدنان الحمامي
نسالكم الدعاء