ضلـــــــع فاطمـــــــــه

[جابر النجفي]

بسم الله الرحمن الرحيم
اللهم صلي وسلم على محمد وآل محمد وعجل فرجهم
السلام عليكم ورحمة الله وبركاته .

ضـلــــــــع فاطمــــــــــــــه
المستهل
كسرو ضلع من فاطمه +++ تبجي عليه أرض أو سمه
ــــــــــــــــــــــــــ
فكدك يبويه منمســـــــح +++ من كلبــــــي واني بضعتك
دمعي يبويه ما نشـــــف +++ من الجــــــره من أمتـــــك
ذوله يبويـــــــه أعتـــــدو +++ واني البتول الفكدتـــــــــك
فكـــــــدك يبويه ياحمــــه +++ تبجي عليه أرض أو سمه
ــــــــــــــــــــــــــــ
أخذو يبويــــــــه نحلتــــي +++ همي كبر ألمــــــــن أبـــــث
كالو يبويـــــــه ما ألــــــج+++ من النبــــــي باقــــــي ورث
هذا الحجـــي يا فاطمـــــه +++ زايد صفه كلــــــــه عبـــــث
هذا مصابـــــي هلنمـــــــه+++ تبجي عليه أرض أو سمـــه
ــــــــــــــــــــــــــــــــ
أم الحســـن بيهه الالــــــم+++ يسري عله بيهه الحـــــزن
خيم عليهه ما صفــــــــــت+++ بعد النبــــي شافت محـــــن
ما أنصفـــــــــو ذوله أبــــد+++ ضيعو وصيته المؤتمــــــن
من عكب أبوهه ساهمــــه+++ نبجي عليه أرض أو سمه
ــــــــــــــــــــــــــــــــــ
شعلو على باب الهــــــــده+++ نار الغـــــدر بيهه الشــــرر
ما شافت الباطــــــل أبـــــد+++ منهه الرجس طار أو عبر
دار النبي بيهه أعتلــــــــه+++ صوت الوحي منهه أنتشر
بضعــــة محمد كاظمــــــه+++ تبجي عليه أرض أو سمه
ـــــــــــــــــــــــــــــــــــ
رادو يطلعونه البطــــــــل+++ حيدر علي ليث الوغــــــــه
رادو يبايع بالغصـــــــــب+++ بيعة غـــــدر كلمـن طغــــه
فتحت حليلــــــة حيـــــدره+++ باب الحـــزن غادر بغـــــه
يعصر صدر من فاطمــــه+++ تبجي عليه أرض أو سمه
ـــــــــــــــــــــــــــــــــــ
كسرو ضلعهه الصابــــره+++ وبعصرة الباب انهشــــــم
مسماره بالصدر أنبـــــــت+++ سالت دمه صارت وشــم
محسن سكط من عصرته+++ طاح الطفل شافت ألــــــم
والدنيـــــه أضحت جاهمه+++ تبجي عليه أرض أو سمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
مع تحيات أخوكم شاعر أهل البيت / جابر النجفي ــ العراق

[جروح زمن]

احسنت اخوي بارك الله فيك

تحياتي

[جعفر النجار]

حشرك الله مع فاطمة وأبيها وبعلها وبنيها
موفق لكل خير


تحياتي
جعفر النجار

[اسراء]

االهم صلي على محمد وال محمد وعجل فرجهم ياكريم

تسلم الايادي اخوي (جا بر) على هذا الابداع
وع هذه الابيات الولائية المعطرة بعطر الزهراء عليها السلام


دمت ودام عطائك المتألق في سماء منتدانا الغالي

ترعاك الزهراء روحي لها الفداء

[عاشقة زينب ع]

موفقين ان شاء الله
واجرك على الزهراء عليها السلام

تحياتي

[جابر النجفي]

بسم الله الرحمن الرحيم
اللهم صلي على محمد وآل محمد وعجل فرجهم
اللهم أني أسالك بحق فاطمة وأبيها وبعلها وبنيها والسر المستودع
فيها أن تصلي على محمد وآل محمد وأن تفعل بي ما أنت أهله ولا
تفعل بي ما أنا أهله
السلام عليكم أخواتي وأخواني

المظلـــــــــــــــوم
جعفر النجــــــــار
أســــــــــــــــــراء
عاشقة زينــــــــب
شكرا لكم على قراءتكم لقصيدتي ( ضلع فاطمه ) وأبداء ملاحظاتكم
أنالكم الله شفاعة فاطمة الزهراء سلام الله عليها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
أخوكم شاعر أهل البيت / جابر النجفي ـــ العراق