قصائد لوفاة الامام موسى بن جعفر عليه السلام

[عدنان الحمامي]

بسمه تعالى

سلام عليكم جميعا

بعد ايام قلائل تمر علينا ذكرى وفاة الامام الكاظم عليه السلام

وهذا ماوفقنا لله في هذه المناسبه الاليمه

-----

تجليبه

----

يسجان السجن لا لا تسد بابه

اجتي امواجهه للكاظم احبابه

------

يسجان السجن فك بابه وتأنه

عزيز وغاب لارد كل خبر منه

دورنه السجون ابكل كتر عنه

مدري بياسجن وينام بترابه

--------

مدري ابيا سجن بالبصره لو بغداد

وبقيد الحديد وقسوة الجلاد

هذا ابن النبي وللناس باب امراد

والوادم الداره أتقبل اعتابه

---------

ياسجان عدنه امواجهه و ياه

غالي الكاظم وبلچن صدگ نلگاه

هاي اسنين غاب وما بعد شفناه

وصعبه اعله العزيز ايطول اغيابه

------

بلچن نطمئن لو ننظر الوضعه

صدگ محروم حتى من ضوه الشمعه

ياسجان يشتم الهوه طلعه

جبنه افراش اله ويبدل اثيابه

----------

ياسجان خاف ابسجنه يتألم

وبساگه الحديد او يجري منها الدم

صبر امينن ظل بالكاظم اتهدم

ذنبه اشچان خصمه للسجن جابه

-------------

ياسجان ذنبه اشچان مترحمه

مو هذا الزجيه فاطمه امه

حجبته شلون هاي اسنين وتظمه

شمسوي ذنب ينحبس وطلابه

----------

شمسوي ذنب كل ذنب ماعنده

مو هذا غريب ابغربته وحده

بس لتگول بالسم مردَو چبده

مو هالدنيه كلها الكاظم اتهابه

-------

------

---

القصيده الثانيه

----

المستهل

---

وين اهله وين اهله -- هالنعش وين اهله

عالجسر محد شيعه -- هالنعش وين اهله

-----

تنشد الوادم هالنعش هذا امنين -- وگفت تنظره

لايمه من اهله وعليه تبچي العين -- ولالجله عبره

وين الهواشم عن ابن جعفر وين -- محد يحضره

غايب ومانشدوا عليه صار اسنين -- غيبَوا بدره

موسهله موسهله -- فاجعه موسهله

الغُربه عليه متجمعه -- هالنعش وين اهله

-----

خل تبچي عين النايبه وعين الكون -- والسمه ينعاه

هذا الغريب ابغربته ايموت اشلون -- لاأهله وياه

عالجسر نعشه الكاظم ايظل مرهون -- من عگب بلواه

ابرهبة سجن يختم حياته مسجون -- ودع الدنياه

شيحمله شيحمله -- هالامر شيحمله

محد حضرله او ودعه -- هالنعش وين اهله

-----

محد حضرله شكثر صار اهلاله -- عالامه غايب

طاموره ظلمه والمنيه اگباله -- وفوگه النوايب

اخمسطعش عام الممتحن دلاله -- يجرع مصايب

هذا الذي يرهب الدنيه اخياله -- ابن الاطايب

منذهله منذهله -- هالناس منذهله

ينشد الطيب مرضعه -- هالنعش وين اهله

-------------

راد الرضا ابنه يحضره يمه -- ايعاين الوضعه

ابلهفة أبو لاابنه يشبگه ايظمه -- لمن يودعه

وقيد الحديد النزف منه دمه -- بيده ينزعه

ويشوف چبده اللي يگطعه سمه -- السم اشيجرعه

شيوصله شيوصله -- للسجن شيوصله

امن السجن خصمه طلعه -- هالنعش وين اهله

--------

اربع حماميل ابن جعفر حملوه -- من غفت عينه

من عگب بسجون الرهيبه ايغيبوه -- يختم اسنينه

وصوت الحزن اهله شعجب ماسمعوه -- برض المدينه

وللكاظم بهيبه يجون ايشيعوه -- ليظل رهينه

ترسمله ترسمله -- ياصوره ترسمله

بالنعش چبده امگطعه -- هالنعش وين اهله

-----

ياهو الذي الهذا الغريب ايحضره -- ابن الاماجد

امن المصطفى باچر يحصل اجره -- لو أجر رايد

هذا الامام الممتحن كل عمره -- زاهد وعابد

ابروح الصبر جاهد ابعلمه وصبره -- ابصبره يجاهد

ويكمله ويكمله -- للمنهج ايكمله

للعدل صبره ايشرعه -- هالنعش وين اهله

---

--

-
-----------------


القصيده الثالثه مستهل وابوذيات

--------

-----

---

المستهل

----

نصبتله عالزجيه -- للكاظم عزيه

-----

سجين وظيم صبره سالمنه

وچفوف ام المنايا سالمنه

سلسله ومنها دمه سالمنه

من ساگه وينازع بالمنيه

------

اريد اعلن حزن گلبي وشيعه

غريب ولاهله يمه وشيعه

يمسلم گوم للكاظم وشيعيه

ليش اعله الجسر نعشه رميه

------

شفاعه ايريد من منكم ويجره

على الكاظم يهل دمعه ويجره

عليه اشصار ماندري ويجره

بسجن اظلم او وناته خفيه

-----

رمش عيني يرف اعليك وشراف

يااسمى واجل الناس واشراف

يبن جعفر دناك الموت وشراف

عليك بغربتك هاي المسيه

-------


بهل بيت النبي حُبنه ولعنه

فدوه كل جهد الهم ولعنه

الغدر بالكاظم اجهنم ولعنه

على كلمن رضا بهاي الرزيه

-----

يبن جعفر دليل هاك نعشه

وكتنه صعب بالحسرات نعشه

انته العلجسر مطروح نعشه

ونته چبد للزهره الزجيه

------

لعد ثغري الدهر مايوم بسام

على الغالي وعدوه ارخيص بسام

سجين الكاظم وينتچتل بسام

وهو باب الحوايج للبريه

-------

-----

---

--

----القصيده الرابعه -----


المستهل

----

بينه اجروح -- ونه ونوح -- عالكاظم بواچينه

------

يادمع النواظر سيل -- لاتبخل على الكاظم

وياجرح الگلب انزف -- واترك لومة اللا يم

هذا ابن النبي المختار -- طاح ابولية الظالم

من سجن السجن بالقيد -- بتراب السجن نايم

ابسجن هارون -- بيه يقسون -- محرومه الوسن عينه

--------

نبچي اعله الگضه مسموم -- ابطاموره وسجن مظلم

ماغير الهوه ايمر بيه -- ولاينشد عليه مسلم

ابمحراب السجن خاشع -- ساجد راكع او مكظم

غيضه كاظمه وصابر -- وصبره يرهب المجرم

غاب اسنين -- عن العين -- ابطاموره گضه اسنينه

---------

گضه اسنينه ابسجن وقيود -- تحت الارض طاموره

وهارون بطرب وبكيف -- جواري وخمره بقصوره

منه خاف عالسلطان -- وعالكاظم يصب جوره

راد ايحجبه عن الناس -- راد ايغيبه النوره

اشكبره الهم -- ابسجن مظلم -- ابصبره ايجاهد الدينه

---------

ابصبره ايجاهد وصابر -- وقيده ابساگه شيفصمه

محد واجهه محد -- ابسجنه ولا اهل يمه

ماحضروا واجوا شافوه -- من ساگه جره دمه

چان ايضمدوله اصواب -- وعنه خففوا همه

ظيمه اچبير -- شلون ايصير -- وحده ولا من ايعينه

-------

وحده بالسجن وحده -- ومن فوگه المنيه اتحوم

ياهو اللي يخبَر اهله -- ومن طيبه يجوه هاليوم

راد ابنه الرضا ايودعه -- ويشوفه شكثر مهموم

الكاظم يدري بس هاليل -- وباچر بالسجن مسموم

عگب صبره -- ختم عمره -- وين ابنه الرضا وينه

--------

وين ابنه الرضا ايحضره -- وللكاظم يجي ايودعه

وقيد القَيد الكاظم -- من ايده الرضا اينزعه

وبيده ايغمض اعيونه -- ولمصابه يهل دمعه

ايغسله ايچفنه وينعاه -- ويحمل نعشه ويشيعه

يجي ينعاه -- وكلنه اوياه -- ويظل الحزن بينه

----

سيد عدنان الحمامي

-----

--
-

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم
نعم سيدي العزيز تمر علينا مأساة مولانا كاظم
الغيض وأنشاء الله يكون الجميع مستعدين لأحياء
هذه الفجيعه . بارك الله بك سيدي وتقبل مني هذه
التجليبه التي سوف أكتبها كاملة أنشاء الله
موسه أبن الهده مرت عليه أهوال
كظم غيظه الولي صبره أبد مازال
ــــــــــــــــــــــــــــــــــــــــــــــــــ ـــــــــــــــــــــــــــ
مع تحيات / جابر النجفي

[نجمةالأحساء]

احسنتم .. وعظم الله لكم الاجر

ووفقت اخي وحفظكم الله لخدمه المنبر الحسيني

[بنت الهدى 1]

::ص1::


" سيــــــــــــــــــــــــدي "


لا تظن مج ــــرد كلمات أضع ـــها على صفح ــــات وأغ ــــلقها لأنـــآآآم ...

كلمات بقدر ما تحمل من شج ــــن وح ــــزن
فهي لا تخ ــــلو من ج ــــمال شـــا ع ــــري
يح ــــمل بصمة مشرفنـــا الرآآآآئع ...


:: سيد عدنان الح ــــمامي ::

لكـَ تح ــــــيتي المتج ــــــددهـ
ولا ح ـــرمنا الله يــوماً من قلمكـَ الحسيني ...





أنتظر المزيــــــــــد على أحر من الج ــــــــــــمر ....
:SuN008:

[عدنان الحمامي]

بسمه تعالى

جابرالنجفي الله ايبارك فيك ويرزقنا واياك

قضاء الحوائج

تحياتي

[عدنان الحمامي]

بسمه تعالى

نجمة الاحساء سلام عليكم

احسن لله اليك

شكرا على مرورك الكريم

[HAZIMYAN]

وفقك الله مولاي العزيز
وجزاكم الله كل خير وموفق ان شاء الله لخدمة محمد وال محمد

[عدنان الحمامي]

بسمه تعالى

بنت الهدى سلام عليكم

شكرا لك على كلماتك الطيبه ومرورك الكريم

واسال لله لك ولنا التوفيق في خدمة محمد وال محمد ص

دعائي

[عدنان الحمامي]

وفقك الله مولاي العزيز
وجزاكم الله كل خير وموفق ان شاء الله لخدمة محمد وال محمد



بسمه تعالى

سلام عليكم

احسن لله اليكم ووفقكم للخير انشاء لله

اشكر مروركم الكريم

[زهور المحبة]

السلام على المعذب في قعر السجون ..
جزاك الله خيرا على هذه الكلمات العظيمة حقيقةً في حق سيدي ومولاي الامام الكاظم .. جعله الله في ميزان اعمالكم..
فيـ انتظار ما تخطه يداك من جديد ..
مثابين ..

[عدنان الحمامي]

بسمه تعالى

زهور المحبه سلام عليكم

احسن لله اليكم ووفقكم الى مايحب ويرضى

شكرا على مروركم الكريم

[عاشقة زينب ع]

غريب بغداد
انـــصابت أصـول الدين بمـــــصاب راعــــيــها
راعي المعــاجــــز وين واتــــوجـــرت نـــاريـن
بـــــمـــصاب راعــــيها
* * *
نـــارين ظـــــلت تــــسعر ابـــدلالي وغيــرت حالي
نــــار اعــله همي ونار فگد الغالي وغيــرت حالي
ومـــن أثــر جمرتهن سهرت ليالي وغيــرت حالي
وابـــگلبــــي دار النوح صـــــارت مبــــانــــيها
واتــــهدّمــــت داريــــن واتـــــوجــــرت نـارين
بـــمــــصاب راعــــيـها
* * *
داريــــن هــــاليوم الـــــدهر هدّمها عنــــدك علمها
عــــز وأبــــه الــدارين ما أعظمها عنــــدك عـلمها
وجــــروح گـــــلبي الداميه شيلمها عــــندك علمها
اصـرخ واصيح اجروح گــــلبي اشيــــداويـــهـا
متــــصوب ابجــــرحين واتـــــوجــــرت نــارين
بـــمــــصاب راعـــــيها
* * *
جـــرحيـــــن خـــــلّنّي أجــر انياحه وما شفت راحه
مـــن يوم ابن جعفر طفوا مصباحه مــا شفت راحه
سهــــمين صـــابن چبدتي الجرّاحه مــا شفت راحه
ســهام المصـــيبه اليوم صـــــابت مــــراميـــها
وابــــجمــــرة السهمين واتـــــوجــــرت نـارين
بمــــــصاب راعــــيــها
* * *
ســـهـــمين نيـــــشنها الدهـــر بعيوني وغيرت لوني
وگـوم اللّي غدروا موسى ما رحموني وغيرت لوني
يــــا ريــــت گــــــبله بهالسجن خلوني وغيرت لوني
روحي اويه روحه هناك بــــالـــسجن تـــلـگيها
مــتغـــيـــــبه الــروحين واتـــــوجــــرت نـارين
بمــــــصـــاب راعــيـها
* * *
روحيـــن غـــــابت بالسجن تدريها وتـعرف اشبيها
روحــي اويه روح الكاظم امغيبيها وتـعرف اشبيها
الكاظـــم چـبدتي وچبدته امگطعيها وتعرف اشبيها
وأهــــل المــكيده ابهاي نـــــالت امــــانـــــــيها
من گطــــعوا الچـــبدين واتـــــوجـــــرت نارين
بمـــــصــــاب راعـــيها
* * *
چــــبدين ظـــلت بالسجن هذا اليوم تــتفايض دموم
چبـــدي وچبد كاظم الغيظ المسموم تــتفايض دموم
ســـهرانه عيني وأبد ما شافت نوم تــتفايض دموم
وســــبع العـوالي اليوم منــــــگـــلب عـــــاليها
مصــــيوبه بــــمصابين واتـــــوجـــرت نــارين
بمــــــصاب راعـــــيـها
* * *
مصــابين واحـــــد أفجع من الثاني تــسمع بـــياني
مصــابي ومصاب الكاظم ابوجداني تــسمع بـــياني
واتحـــــــمّلتها ابــــمنطلق إيــماني تــسمع بـــياني
بــــالصبر والإيـــــــمان متــــــصبّر اعـــــــليها
دم فـــــاضت العــــينين واتــــــوجـــــرت نارين
بمــــــصاب راعــــــيها
* * *

للشاعر الاديب جابر الكاظمي

مأجورين

[جعفر صادق]

مولد الإمام الحسين عليه السلامأفضل الصلاة والسلام عليك يا رسول الله محمد وآل محمد صلوات ربي عليه علي بن آبي طالب صلوات ربي عليه والحسن والحسين صلوات ربي عليهم زين العابدين صلوات ربي عليه والايمة المعصومين صلوات ربي عليهم، اللهم صلي على محمد وآل محمد اللهم صلي على محمد وآل محمد لمَّا أرَادَ اللهُ تعالى أنْ يَهَبَ لِفاطمةَ الزهراءِ الحسينَ .. وكانَ مَولِدُهُ في شعبانَ في ثالثِ ليلةٍ منهُ فلمَّا وَقعتْ في طلقِها أوحى اللهُ تعالى إلى لعيا وهيَ حوراءُ من حُورِ الجنةِ، إذا أرادَ أهلُ الجنانِ أن ينظروا إلى شيءٍ حسنٍ نظروا إليها، .. أوحى الله إليها أن اهبطي إلى دار الدنيا إلى ابنةِ حبيبي النبيِّ محمدٍ صلى الله عليه وآله وسلم، .. واحضُري وِلادَتَها وكوني قابلةً للحسينِ كرامةً وتفضيلاً..فلمَّا قرُبَ أوانُ وِلادَتِها وأرادَ اللهُ أن يظهِرَ سِرَّ غيبِهِ الخفيِّ ويُزَيّنَ الدنيا بِأنوار بدْرِ غُرتهِِ وأشعةِ شمسِ وجهِهِ ويُخصِبَ الأرضَ ببركتهِ ويُمنِ كفِّهِ الذُّري ويُشرفَهَا بِظهورِ مجدِهِ القُدسي وكعبِهِ العلي.. ، أوحى اللهُ تعالى إلى رضوانَ خازِنِ الجنانِ أنْ زخْرُفَ الجنانَ وزينْهَا.. وإلى مالكِ خازنِ النيرانِ أنْ أخمدِ النيرانَ على أهلِها .. وإلى الحورِ العينِ أنْ يتزيَّنَّ ويتزاورْنَ كرامةً لأبنِ النبيِّ محمدٍ صلى الله عليه وآله وسلم .. ..وأوحى اللهُ تعالى إلى الملائكةِ أنْ قوموا صُفوفاً بالتسبيحِ والتقديسِ والثناءِ على اللهِ تعالى، وأوحى إلى جبريلَ وميكائيلَ وإسرافيلَ أن اهبطوا إلى الأرضِ في قبيلٍ من الملائكةِ .. يا مُستمعينَ النِّظامَ صلوا على البدرِ التَّمامِ محمدٍ صلَّى اللهُ عليهِ وآلهِ وسلمولما هبطَتْ لَعْيَا على فاطمة .. لَحِقَ فاطمةَ الحياءُ مِنْ لعيا لم تدرِ ماذا تفرِشُ لهَا. فبينَمَا هي كذلك متفكرةٌ إذ هبَطَت حوراءُ ومعها درنُوكٍ مِنْ درانيكِ الجنَّة فبَسَطَتْهُ في منزلِ فاطمةَ فجلستْ عليهِ لعيا..فينمَا هي كذلك وإذا بالأنوارِ تَتَسَاطعُ في كلِ جانبٍ ومكانٍ وإذا بِهَا قد وضعتْ بالحسين..أفضل الصلاة والسلام عليك يا رسول الله محمد وآل محمد صلوات ربي عليهم علي بن آبي طالب صلوات ربي عليه والحسن والحسين صلوات ربي عليهم زين العابدين صلوات ربي عليه والايمة المعصومين صلوات ربي عليهم، اللهم صلي على محمد وآل محمد اللهم صلي على محمد وآل محمد ولدتهُ طاهراً مطهراً مختوناً مسروراً ناطقاً بالشهادتينِ وتباشرتِ الدنيا بنورِهِ وأسفرَ الكون بظهورِهِ.فقبَّلتْهُ لعيا وقطعَتْ سُرَّتَهُ ونشَّفَتْهُ بمنديلٍ من مناديلِ الجنَّةِ، .. وأوحى اللهُ إلى جبريلَ أنْ اهبِط إلى النبيِّ محمدٍ صلى الله عليه وآله وسلم في ألفِ قبيل.. ومعَهُم ملائكةٌ يُقالُ لهم الروحانيونَ بأيديهم أطباقٌ من نورٍ أن هنِّئُوا محمداً بمولودِهِ وأخبرْهُ يا جبريلُ أنْ يُسمِّيَهُ الحسين .. وقامَ النبيُّ قائماً وَأخذَهُ إكراماً لهُ وقال: قومُوا يا قاعدينَ إجلاَلاً للحسين،.. يا مُستمعينَ النِّظامَ صلوا على البدرِ التَّمامِ محمدٍ صلَّى اللهُ عليهِ وآلهِ وسلمثم أذَّنَ النبيُّ في أذنِهِ اليُمنَى وأقامَ في اليُسرى.. وكان يُسبِّحُ اللهَ تعالى ويُقدّسُه ويَحْمُدَهُ ويُهَلِّلُهُ ..أفضل الصلاة والسلام عليك يا رسول الله محمد وآل محمد صلوات ربي عليه علي بن آبي طالب صلوات ربي عليه والحسن والحسين صلوات ربي عليهم زين العابدين صلوات ربي عليه والايمة المعصومين صلوات ربي عليهم، اللهم صلي على محمد وآل محمد اللهم صلي على محمد وآل محمد.

[جعفر صادق]

عاشت ايدج يا عاشقه الحوراء زينب على هذه الصوره وفقك الله للحسن

[جعفر صادق]

القصيدة الخالدة الممنوعة أيام صدام المقبور و التي كان يعاقب كل من يسمعها أو يحتفظ بها، ولكنها بقيت خالدة بخلود الامام الحسين عليه السلام بثورته العظيمة و التي كان لها الأثر الأكبر في حفظ الاسلام فالحسين عليه السلام مصباح الهدى و سفينة النجاةقصيدة (يا حسين بضمايرنا) للشاعر و الرادود المرحوم عبد الرسول محي الدين و الذي عرف بهذه القصيدة و التي قرأها الشيخ ياسين الرميثي رحمه الله في عام 1977 و هو عام انتفاضة صفر المجيدة ضد يزيد العصر صدام، و هذه القصيدة من القصائد الخالدة على الرغم من اسلوبها الشعبي البسيط الا انها تحتوي على الكثير من المعاني السامية العظيمة و العشق الملتهب للحسين (عليه السلام) ابرازا لدوره العظيم في احياء الاسلام لا غرابة اذن ان منعها صدام و عاقب كل من يسمعها أو يحتفظ بها !!القصيدة تعرض لنا ببساطة من هو الحسين و لماذا نحب الحسين و ماذا يجب أن نتعلم من الحسين و كيف ان كل مبادئ الانسانية تم تنقيتها من جديد على يد الحسين بعد ان أصابها الصدأ و اسود بياضها على يد بني امية و أشياعهم من يوم السقيفة و ليوم الناس هذا، لا شك بعد هذا ان احياء أمر سيد الشهداء و سيد شباب أهل الجنة الحسين (عليه السلام) في كل وقت انما يساهم في اكمال مسيرة الحسين (عليه السلام) و كمال المسيرة الحسينية سوف يتحقق ان شاء الله بظهور الامام المهدي (عليه السلام) فـــ(بقية الله خير لكم ان كنتم مؤمنين، هود ايه 86) و قال الامام الصادق (عليه السلام) : أحيوا أمرنا رحم الله من أحيا أمرناالقصيدة كتابة : ********************سوفه اكتبه وراء هذه الصفحه

[جعفر صادق]

ياحسيـن بضمايرنـه******* صــــحنه بـــــيك آمــــــنّه لا صيحة عواطف هاي *******لا دعـوه ومجــرد راي هـذي مـن مبادئنـه******* صِحـنـه بــك آمــــــــــــنّه*********بتكوينه البشـر يـا حسيـن******* متسـاوي النوعيــــــه جسمه ومحتـواه واضـح******* ومعــــــروف بتساويّـه الشئ البـي خفـي ومجهـول******* نــــزعاتـه النفسيـه وهيّه بدورهـا اتكشفـه******* وتظــــــهـر لـك مخافيّـه تكشفه مـن اتجاهاتـه******* شرلـو حســـــــن النيّـه واحنـه بنفسـك آمنّـه******* مـن اعرفـــــــناهـا قدسيّـه بشخصيتك لمسنه أوصاف******* مــنوجـدت بشخصيـه لمسنه بيك أبوالاحرار******* اعرفـــنـه المـوت حرّيـه لمسنه التضحيه بشخصك******* عرفنا الشرف تضحيـه لمسنه بيك أبي ومتليـن *******عرفــــنـا الـذل عبوديـه لمسنه اعلى الكرامه اﮔضيت******* عرفنا نريدها هيّـه لمسنه ابذلت دم وحييـت******* عرفنـه الدنيـا وقــــتيـه لمسنـه قسـوة اعدائـك ******عرفــــــــنـا احنـه فدائـيـه عرفنه انظل بيدين يزيد******* مـن أيـد لقــــسـاوة أيـد ********* عن سابق علم يحسيـن******* وعـن تركيـز بالفــكـره حبينـاك وتبعنـاك******* ونـــــــتوقـع غصـص مــرّه ونتوقع وقت محذور******* وساعـات الــتمـر خطـره مابيـن ال يكيـدنّـه******* وبــــــــــيـن ايـدبـر الـغـدره ومـع احساسنـا هـذا******* والشفـنـاه وننـــــــتـظـره آمنّـه وتوطنّـه *******علـى كـل شـي بعـد يــــــجـره معلوم اليشم ازهـار******* يوخـزه الشـوك بالشجـره على ريحتكم شنـو الأزهـار******* نتحمـل أذى جمـره تربة كربلاء تشهد *******ال من دمنـه أصبحـت حمـره ويوم العاشر بعاشـور *******هـم يشــــهـد مـع الذكـره وكل طعنة رمح تشهد******* وكل سيف الطبـر طبـره كلهـا تصيـح آمنـه******* بمحــــــبـتـك يـا ابوالعـتـره حقيقتنـه وطبيعتنـه******* اكـــــسبناهـا علـى الفطـره احنه وكل دم مهدور******* وكل طعنه جرح ونحـور بساحـات الشـرف كلنـه******* صـــــــحنـه بيـك آمنـه ************** ياحسين ارتبطنا ويـاك******* بالـدم بالـــــنفـس بالجيـد مثل ما ﮔلنـه عالفطـره *******لا صـــــدفـه ولا تعويـد افرض نشذ عن خطّك******* ونسير على خــــط ابعيـد افرض يجتذبنه الكاس******* ويســحرنه هـوى التجديـد افرض ننفتـن بافكـار******* ونتـــــــسمـم وفتـره نحيـد افرض نلتهـي نقامـر******* ونـــــــتصـرف بـلا تقييـد اشما تفرض بعد يحسين******* اشم نعـمل بعـد ونزيـد لابـد ماتجـي الساعـه******* البيهـا نـــــــنتبـه ونعـيـد لابـد ماهـو الرحمـه******* يدركنـا ونــــــــرد اجديـد حتـه ايخانـه نهـرم******* ويـــــــضعـف جيلنـا ونبيـد ولا نﮕدر نحرك راس******* ولا نــﮕـدر نحـرك أيـد ولنشـوف ولانسمع صـوت ******* تسندنـه وســـادة مــوت بآخـر نفـس احسبنـه******* صــــــــــحنـه بيـك آمـنّـه ************ على سيرة عقايدنه******* نحبكم يا ابـن داحـي البـاب فتشنه بمحبتكم******* وماظـــــل علـى العيـن حجـاب لا حب محترف طامع *******لا حب هاوي شبّ وغاب حب المحترف عنده******* بتحـــقيـق الاربـاح حسـاب وحب الهادي يتنقّل******* ويه اهوائه على ساعـه وذاب الحب حبنا العلى الفطره******* العالم معتقـد بالالبـاب روّاد الاصـول تﮕول******* عاليعــــــتقـد مـا ينعـاب جيناكـم واحنـا ابيـن******* الـرحــــــــــم والاصــلاب على هاي العقيده نسير******* الحاضر وااليجي والغآب وعلى كل صوات من عدكم******* نرفع صوتنا بايجاب بصوتك من صحت يحسين******* هل مِن ناصر لهالدين مابيـن الاصـلاب احنـه******* صحـــــــــنـا بيـك آمنّـه ************** مر بينه علـى حبـك دور******* لا يِـــــــنِّسـه ولا يِخفـه مـن عدوانـك الچانـت******* بينـه تريــــــــــــد تتشـفّـه علينه افرضـو أحكـام******* بـلا رحـــــــمـه ولا رأفـه ثبتنـه بثقـه وبرهنّـه******* للظالـم رغــــــــــــــم أنـفـه چنّه من نجي نـزورك******* علـى العـــــــاده المأتلفـه يتحجـج علينـه ايريـد******* يمنــــــــعنـه بألـف حرفـه ﮔال اللي يزور حسين******* وله مهمـــــا يكـن ظرفـه عليه ميّت ذهب يدفـع******* رسـم ازيـــــارتـه ايكلفـه دفعنه وكل شخص مِنّه******* يشعـر بعــــــده مـا وفّـه شنهو الذهب شنهو المال******* اليحب يتوطـن الحتفـه رد ﮔال اليزور حسين******* من ايـده ينــﮕــطـع چفّـه انطينه اچفوفنه بالحال******* وركــضنه نـزورك بلهفـه عنك ما منعنه الخوف******* ﮔطعـو من ايدينـه چفـوف مـن الالـم مـا صحنـه******* صحنـه بيـــــــــــك آمنّـه ************ عشت يا ابن النبـي فتـره******* يصعــــب عاليحددهـا مـات النبـي وأنظمتـه******* جديـدة عهـــــــد مولدهـا والنـاس ابكفـر وبديـن******* مضـــــــطربـه عقايـدهـا ولن حكم ابـن ابوسفيـان******* بـده للنظـــــــم يفسدهـا ودين الدوله صح إسلام******* يعــــمّ احلـوﮔــك ويدهـا ياديـن وأميـر الشـام******* الهالچلـمـــــــــــه يـرددهـا مـا قاتلتكـم للصـوم *******لا حــــــــــــج لا محمـدهـا بهالذهنيـه والمفهـوم******* لأمـــــــور خلافـه مهّدهـا وعلى دين الملوك النـاس******* اشمـا تعــــبـد تقلدهـا بهالرد الفعـل يحسيـن******* بهالفوضـــــــه التشاهدهـا ﮔمت وطلقت هالصرخه******* المـا تــــتـأول الضدهـا إن لـم يستقـم هالديـن******* ﮔلتهـا واثبـــــــتـت عِدهـا وبضد چلمتك لن صـوت******* ارتفـع نيــــتـه ايفنّدهـا صاحو لا صلاة لا صوم******* الصلاة طاحت بمسجدها صاحو أنزع وقتال******* صحنه اقضي على مــلحدهـا صاحو خارجي وصحنه******* يحسيـن انتــــــه سيّدهـا صاحو اشركت يحسين******* صحنه انت اصول الديـن صاحـو بيكـم اكفرنـه******* صحنـه بيــــــــــــك آمـنّـه يــحـــســـيـــن بــضــمــايــرنـــه

[جعفر صادق]

بسم الله الرحمن الرحيماللهم صلي على محمد وآل محمدالسَّلام عَلَيْكَ يَا أبا عَبْدِ اللهِ وَعلَى الأرواحِ الّتي حَلّتْ بِفِنائِكَ ، وَأنَاخَت برَحْلِك عَلَيْكَ مِنِّي سَلامُ اللهِ أبَداً مَا بَقِيتُ وَبَقِيَ الليْلُ وَالنَّهارُ ، وَلا جَعَلَهُ اللهُ آخِرَ العَهْدِ مِنِّي لِزِيَارَتِكُمْ ، أهْلَ البَيتِ السَّلام عَلَى الحُسَيْن ، وَعَلَى عَليِّ بْنِ الحُسَيْنِ ، وَعَلَى أوْلادِ الحُسَيْنِ ، وَعَلَى أصْحابِ الحُسَينِ الذينَ بَذَلُوا مُهَجَهُم دُونَ الحُسين اللهُمَّ ارْزُقْني شَفاعَةَ الحُسَيْن عَلَيهِ السَّلام يَوْمَ الوُرُودِ ، وَثَبِّتْ لي قَدَمَ صِدْق عِنْدَكَ مَعَ الحُسَيْنِ وَأصْحابِ الحُسَيْن الّذِينَ بَذَلُوا مُهَجَهُمْ دُونَ الْحُسَيْن عَلَيْهِ السَّلاممأجور إنشاءالله أخي عاشق الحسينجزاك الله كل خيرولا تنسونا بالدعاء

[فارس خيبر]

بسم الله الرحمن الرحيم


الحمد لله رب العالمين والصلاة والسلام على
اشرف المرسلين سيدنا محمد وعلى آله الكرام
وصحبه المنتجبين


السلام عليكم ورحمة الله وبركاته

شكرآ للقصائد ياسيد عدنان ؛ بارك الله بيكم

حشركم الله مع محمد و آل بيته
: صلوات الله عليهم أجمعين :


مع فائق احترامي وتقديري لكم
خادمكم ان شاء الله
؛ : فارس خيبر : ؛

[عدنان الحمامي]

عاشقة زينب الشكر لكم على مروركم الطيب

تحياتي ودعائي

[لبيك يا الحسين]

بسمه تعالى

سلام عليكم

احسن لله اليكم ووفقكم للخير انشاء لله

[سجاد دبس]

عاشت الايادي على القصيده الروعه

ونورتنه بقلمك المبدع
تحياتي

[ابو عبدالله]

سلاو عليكم

والله عاشت ايدك على هاي القصايد جميله واريد من الله يوفقك ويستر عليك ويطول بعمرك على خدمه الحسين

اريد منك قصيده مال علي يلبس خشن بل صيف اخمس بطن عاداته

وسلام عليكم ورحمت الله عليكم


حسن ابو هادي ابو دبس

[عمار دبس]

سلام عليكم سيد اشكرك على هل قصيده الحلوه الرائعه

اتمنالك الصحه والعافيه

[ابو عبدالله]

عاشت ايادي على هل قصيده الحلوه

مع تحيات حسن دبس

[عمار دبس]

طيب الله انفاسك سيد عدنان
ياخادم الزهراء
القصيده حلوه او رائعه

[علي هاشم البدراوي]

بسمه تعالى

سلام عليكم

احسن لله اليكم ووفقكم للخير انشاء لله

اشكر مروركم الكريم

[عمار دبس]

سلام على المعذب في قعر السجون
شكرأ على هاي القصيده الحلوه
الرائعه الجميله
وطيب الله انفاسك

[سجاد الساعدي]

بسم الله الرحمن الرحيم

اللهم صل على محمد وال محمد

احسنت شاعرنه القدير جزيت خيرا

وفقك الله لخدمه محمد وال محمد

تحياتي سجاد الساعدي

</b></i>

[محمد أبورغيف]

طيب الله أنفاسك سيدنا الجليل
بحق باب الحوائج موسى ابن جعفر قضى الله حوائج للدنيا والاخرة
قصائد رائعة وخصوصا التجليبة فقد اندمتج مع عبرة كادت أن تخرج
فلا يسعني أن أن اقول بارك الله في وزادك من عطائه وحسناته
بحق صاحب المصيبة
اخوك محمد أبورغيف

[عدنان الحمامي]

اللهم صلي على محمد وال محمد

[الرادود كرار الموسوي]

موفق ياغالي بحق الزهراء