الشاعر عباس الفتلاوى
29-10-08, 07:31 PM
السلام عليكم ورحمة الله وبركاته ...
قصيدة للعراق الجريح بلدي بلد الحضارات ...
القصيدة : (( اوكف يا عراقي ))
اوكف ياعراقى احنة عراقيين
اخوك انه وتعال الزم ادية
ابدمع عينى انا ارفكلك سواجى
لو دجله وفراتك نشف مية
واروى اربيلك ديالى ويالانبار
وامر ابكربله وبالناصرية
ولو كاعك شحيحة وياك صار الطين
وشجة نخلك لاهالى الكاظمية
ينهض حيل مجهد ابن الانبار
يم حيدر علي طيب السجية
لو عثمان مات وخلص الغركان
وسام ارسم لاهل الاعظمية
وابن ادهوك يم حسين دك الهام
يكل لابن الطفوف الزم ادية
ايد ابيد وابميسان صار الكيف
وهوسات العمارة وكفله ريفية
وزهيرى الحجى ونصارى صار الطور
وانبارى الحدى ودكت الجوبية
وبستات الجنوب بطور اهل تكريت
وجوبيت الفرات ودبجة كردية
وبطيبة الحلة وجود اهل كركوك
وريحة عنبر اهل القادسية
ونغم الموصل بنكهت بياض الكوت
وبستة مالسماوة وصفكة بصرية
كل احنة بعراق الخير متمسكين
لا شيعية تفرق ولا سنية
كل احنة العراق وصار هو الكل
متوحدين ايد ابيد والله وصافية النية
-----------------------------------
مع فائق شكري وتقديري
قصيدة للعراق الجريح بلدي بلد الحضارات ...
القصيدة : (( اوكف يا عراقي ))
اوكف ياعراقى احنة عراقيين
اخوك انه وتعال الزم ادية
ابدمع عينى انا ارفكلك سواجى
لو دجله وفراتك نشف مية
واروى اربيلك ديالى ويالانبار
وامر ابكربله وبالناصرية
ولو كاعك شحيحة وياك صار الطين
وشجة نخلك لاهالى الكاظمية
ينهض حيل مجهد ابن الانبار
يم حيدر علي طيب السجية
لو عثمان مات وخلص الغركان
وسام ارسم لاهل الاعظمية
وابن ادهوك يم حسين دك الهام
يكل لابن الطفوف الزم ادية
ايد ابيد وابميسان صار الكيف
وهوسات العمارة وكفله ريفية
وزهيرى الحجى ونصارى صار الطور
وانبارى الحدى ودكت الجوبية
وبستات الجنوب بطور اهل تكريت
وجوبيت الفرات ودبجة كردية
وبطيبة الحلة وجود اهل كركوك
وريحة عنبر اهل القادسية
ونغم الموصل بنكهت بياض الكوت
وبستة مالسماوة وصفكة بصرية
كل احنة بعراق الخير متمسكين
لا شيعية تفرق ولا سنية
كل احنة العراق وصار هو الكل
متوحدين ايد ابيد والله وصافية النية
-----------------------------------
مع فائق شكري وتقديري