قصيدة عباس جيجان المنافق وهو يمدح صدام (لع)

[ابن العراق]

للاستماع من خلال الرابط

[Only Registered Users Can See Links]



وهذا النص الكامل لقصيدة الشاعر العراقي الحقير المنافق عباس جيجان:
ويه الفجر يوم العيد
وي نحر النحور
صدام قدم للوطن روحه

إجا مثل الأسد مجروح
يمشي وتضحك جروحه

هم شايف جبل ينقاد؟
واذا شفت الجبل مقيود
تلقى العلة بسفوحه

مثل النخل مات وقوف
شاخص شامخة صروحه

لك لو هيج الرجال تموت
لو غم الرجال بموت
ماصخ ما به ملوحه

بكيت وما بكيت عليك
بكيت على الزمان الضمّك بلوحه

بكى حتى الفرات عليك
ونهر دجلة انتحر موحه

إذا تستاهل ينوح عليك
شاعر ما بطل نوحه

لأن انت الوحيد اللي خليت
المشانق للرجال تصير مرجوحة

رغد.. يا رغد لا تبكين
بس دمعة حزن للزين مسموحة

أبوك انكتب اسمه بجبهة التاريخ
ذهب الوطن عنده وعالية سطوحه

الزمن والوطن يشهد لأبو الليثين
ولو أنا شهادتي بصدام مجروحة

ما دنق براسه وانحنى لجلاد
رغم سلسلوا رجله وشدوا كفوفه

رفض يلبس نقاب الموت
وضحك عالموت سنه وعينا تشوفه

أجل والله ، يتباهى يسجل التاريخ
عنه وتكتب حروفه

مو حبل العلى الرقبة طلع ملفوف
رقبة على الحبل طلعت الملفوفة

إذا حق عالعرب تحزن عليه وتنوح
وقع خيّالها والشمس مكسوفة

من صغره عجيد ..عنيد وضد الاستعمار
أبوك أوصافه لسابع جار معروفة

وإذا البصرة حزنت مصباح يوم العيد
يم تكريت طلعت تلطم الكوفة

وإجت نينوى محنيّة الظهر وتصيح
وين ابن الرمادي الباشطة سيوفه

سووها العلوج ودنسوا بغداد
وعاصمة الرشيد اصبحت مكتوفة

إذا تستاهل عليك ينوح
شاعر ما بطل نوحه

لأن انت الوحيد اللي خليت
المشانق للرجال تصير مرجوحة

[نور من نور]

ينعل يومه عليه قصائد عن اهل البيت غير شكل
تاليه يطلع جد المنافقين
صج لين قالو يالله حسن الخاتمه دي
يالله سوى الخاتمه من طاح حظه معفن
يسلمو ابن لعراق

[ريحانة ابيها]

الله يلعنه ويلعن صدام معاه
ويحشرهم في الدرك الأسفل من النار

تسلم اخي الكريم على القصيدة
والله يعطيك الف عافية
وننتظر جديدك



تحياتي

[الخيال]

اللهم صلي على محمد وآل محمد
تسلم خوك على القصيدة
الله يلعنه ويلعن صدام معاه

[عدنان العمري]

الله يعلم شكد مطينه رغد فلوس هذا المتسول المستجدي
شكرا اخي ابن العراق