اتمنى المساعده

[تائهة بلا عنوان]

بسم الله الرحمن الرحيم

السلام عليكم ورحمة الله وبركاته

حبيت منكم هذي الخدمه واتمنى ما اكون ثقلت عليكم ولكم خالص شكري



1-(لطميات للملا جليل كربلائي صوت وكتابه)
<<< عوف الزفاف وروح ياوليدي>>>
<<هاليلة موليلة شمع ليلة دمع طفو الشمع طفو الشمع>>


2-(لا اعلم من الردود كذالك صوت وكتابه)
<<يامسلم يومك سجل إنت المظلوم والاول أول مجاهد بالكوفه رايد>>

3-(صوت وكتابة)
<<الله أكبر الله أكبر ذبح الحسين ياحيدر>>>

4-واريد ايضاً لطميات تخص التالي: كتابه وصوت
(الوصول إلى كربلاء_ علي الاكبر_ عبدالله الرضيع_ الانصار )

5- صوت وكتابه
(عريس للحومه يزفونك عريس للحومه يزفونك
يابني ياجسام يابني ياجسام)


6- ( مسلم حاير برض الكوفه مسلم حاير ) <<صوت وكتابة>>

ولكم مني جزيل الشكر اعتذر من الجميع واتمنى ان لا اكون قد ثقلت عليكم :blush-anim-cl::SuN028:::ت1::

[أبو محمد]

عوف الزفاف و روح ياوليدي ضحي الروح
و انصر عمك يا جسام إرخص دمك يا جسام
*
يا طيف الما فارق عيني أغفه و طرواك ايصيحني
ردت للشده و موعدها أمك و أدريك اتوافيني
هذا الطف ياوليدي و صارت أشباح البين اتباريني
و الهاي الساعه اترجيتك عزم الشجعان اتراويني
شتأمل منك يا جاسم أمك ياوليدي و تدريني
أتعاب اسنينك بعيوني مرسومه و بيك اتواسيني
رسمت لي هالأشباح ابدال الشموع ارماح
لا لتهمك يا جسام
*
يا جاسم وصاك الوالد و انت اعله الملزوم امعاهد
يا حر الما تخلف عهدك وفاي ابعهدك يالواحد
و شعندي إخلافك بالدنيه غيرك قلب امك ما رايد
حط جفك يوليدي ابجفي إخذ السيف و اطلع جاهد
عمك محتار بميدانه و اعليه العسكر هالحاشد
الهذا اليوم إختارك عودك صد يابني اعله احسين و شاهد
عهد الحسن وصاك العمك تضحي إدماك
يا بعد أمك
*
آه يابني و انت امعاهدني عن كل هم موحش تبعدني
واعدتك أصبر من بعدك يابني و تعرف شمواعدني
رايدتك ترخص دم نحرك و أصبر لمصابك رايدني
و اهلالك لو غاب ابدمك نبلات امصابك تضهدني
عمتك زينب تحضر يمي و عقبك عالهم اتساندني
اتصبرني اخلافك يوليدي و اعله الآهات اتعاضدني
أصبر و أصيح ابصوت يابني بسماء الموت
يسطع نجمك يا جسام
*
آنه أمك و ابحالك أدره و اللي مثلك ما يعز عمره
بيدي اجفوفك خل تتحنه من ينزف دمك من نحرك
أفرح و أمسح كل دمعاتي و ما أجري اعله امصابك عبره
ردتك ترفع راسي العالي و اتقر عيني اقبال الزهره
بنت الهادي اتريدك تقدم و الجيتك ظلت منتظره
يا جسام تحضر يمك لو شافت جسمك عالغبره
تشبح إلك أنظار من بضعة المختار
تحضر يمك
*
يا جاسم إبرز للعسكر بالك بالموقف تتأثر
لا تهمك كثرة عدوانك ضحي ابدمك مثل الأكبر
و لو جسمك طاح ابميدانك يحضر يمك جدك حيدر
و ايغسل جسمك بدموعه لو شافك يوليدي امعفر
يا عريس و هاي اجفوفك خل تتحنه ابدم المنحر
و اشموعك لو تطفه اخلافك أشعلها امن الخيمه التسعر
ينتظرك الميدان لا تهمك الفرسان
روح ابعزمك
*
يابن المشهور بإيمانك تنتظرك ساحة ميدانك
إسرع يوليدي ابكل زودك للموت و خلد عنوانك
و من يوقع جسمك بالمصرع يتثبت بالطف برهانك
يا جاسم دمك من يجري و يتنازف منهل شريانك
بالطف يحضر عودك يمك عن خدك يمسح تربانك
و يصب دمعات اعله اجروحك و يخمد لهفة نيرانك
و الحسن منك راد بالمصرع الميعاد
يكشف همك
*
يا جاسم من ساعة مهدك اوياك انولدت صفحة عهدك
هالصفحه اتريدك من دمك تبذلها و تكتب ابكل جهدك
لا تتأخر عن ميعادك و اعيون الميدان اترصدك
و لو حانت ساعةآجالك جدك مسرع يحضر عندك
و الهادي ايشيلك بجفوفه و يمك تنزل دمعة جدك
ينحب و يشمك من نحرك يا جاسم و يقبل خدك
يسفح اعليك ادموع يعلق اعيونه اشموع
خلد إسمك

[أبو محمد]

هالليله مو ليلة شمع ليلة حزن ليلة دمع
طفو الشمع طفو الشمع
*
هالوالده اتصيح بألم دلالي نصين انجسم
جن قلبي بالمحنه علم وأهجس ركن بيتي انهدم
هالليله جاسم بالخيم باجر أشوفه منصرع
*
يهل الله هذي حالتي أنهض و أطيح ابلوعتي
جابتني للطف دنيتي و إقبالي ذبحت فرحتي
يا لوعتي و يا حسرتي و يا هضم قلبي المنفجع
*
بالخيمه شمعه تزدهر و ابقلبي جمره تستعر
من دهري بعد شنتظر ما خله راي ولا فكر
راميني بسهام الغدر و صوب دليلي المنصدع
*
دلالي حس بمصيبته جن شفت إبني و طيحته
ابدال الزفاف و فرحته أحمل مرارة فرقته
و من تهوه بالطف جثته يا صرخه بالطف ترتفع
*
جن يشعر اليوم القلب باجر يداهمني الرعب
جاسم يطيح اعله الترب و اجفوفه بالدم تنخضب
أصرخ يا من فقدك صعب يا صيحه مني تستمع
*
باجر أظل متغربه و يرميني سهم النايبه
أنظر حبيب المجتبه جثته ابدمه امخضبه
ابدال الشمع بيض الضبه اتزفه عله اصفوف الجمع

[سر النجاة]

اللهم صلِ على محمد وال محمد وعجل فرجهم واحفظ خادمهم

هنا لطميات للملا جليل للقاسم عليه السلام على الموقع
[Only Registered Users Can See Links] ([Only Registered Users Can See Links])

هنا للأكبر سلام الله عليه

[Only Registered Users Can See Links] ([Only Registered Users Can See Links])

وهنا لعبدالله الرضيع



[Only Registered Users Can See Links] ([Only Registered Users Can See Links])

وان شاء الله نكون خدمناكِ

[أبو محمد]

يبني علي يبني علي ابنار العطش رديت إلي (7 أبيات)
**
ابزودك رحت و اتوسطت ساحة الميدان مثل الغضنفر يا علي قاوم الفرسان
ما أدري ترجع للخيم يوليدي عطشان
تشجي الضمه تشجي الضمه
رديت إلي و تشجي الضمه
يا مهجة إحشاي ما يحصل الماي
**
لن صوت لكبر جاوبه يا بويه يحسين ما همني ثقل المعركه و امناور البين
لجن فطر جمر الجبد دلالي نصين
ذاب القلب ذاب القلب
و اشلون أقاوم هالحرب
و أستقبل إعداي ما يحصل الماي
*
آنه أدري قلبك بالعطش يا الأكبر ايلوب و قلبي مثل قلبك صبح يوليدي منشوب
هذا العليّه يا علي امقدر و مكتوب
وقت العسر وقت العسر
وصانه ربنه بالصبر
يا أمل دنياي ما يحصل الماي
**
انته ابعطش و آنه ابعطش مستعره قلبين و امن أجيب الماي الك يا الأكبر من انين
لو ترضه يبني يا علي أعصر لك العين
و من الحزن و من الحزن
أعصر إلك موح الجفن
و أشرب يا رجواي
**
يوليدي شح ماي العذب و الأمل مفقود ودعني يبني و اتجه للمعركه اردوود
آخر وداع وياك إلي لو رحت متعود
لاح الكدر لاح الكدر
عقبك يظل بس القهر
و النايحه اوياي
**
بالحومه لو ضامي طحت ما بين لشرار مصرعك تحضر فاطمه و يحضر الكرار
يسقيك من ماي الخلد جدك المختار
و بها الأمل و بها الأمل
شد يبني حيلك عله الأجل
يا واسع الراي
**
ذب عللدرع قلبه و شهر صارم الإيمان صبر النبي و زود الوصي علحومه غضبان
من عقب ما أده الوفه حان الأجل حان
بالتضحيه بالتضحيه
سجل صحايف ساميه
و بعهده وفاي

[علي حيدر]

يعطيكم العافية

وبارك الله فيكم

ما خليتولنا شي

ما شاء الله عليكم

[تائهة بلا عنوان]

مشكور اخوي ماقصرت
جعله الله في ميزان حسناتك وجزاك الله خير
اخوي علي وجودك ومشاركتك تكفي يعطيك العافيه

[أبو الأحرار]

ماشاء الله تبارك الرحمن

أحسنتم أخوتي الموالين تلبية هذه الطلبات مأجورين بحق الامام الحسين عليه الصلاة والسلام

[alasadey]

احسنتم مولانا مغرم
واختي سر النجاه
بارك الله بيكم ما قصرتوم

اتمنى بس الاخت حصلت الي تدور عليه
سيتم نقل الموضوع للمكان المناسب
تحياتي