جابر النجفي
22-11-08, 06:28 PM
بسم الله الرحمن الرحيم
اللهم صل على محمد وآل محمد وعجل فرجهم
يبنــــــــــي يعبـــــــد الله
ــــــــــــــــــــــــــــــــــــــــــــــــــ ـــــــ
يوليدي يلنحرك صار == مدمي أو سكوه الاشرار
نبلة حزن بيهه الالم == واني أنصبت يبني أبسهم
ـــــــــــــــــــــ
يبني يعبد الله الحزن == خيم علينه أو ما أضن
أفرح بعد فكدك فرح == أبكه اللثم نحرك أحن
يبني أنشده بالي أو كمت == مهدك أهزه يلأبن
وصحه أبلياليه أستمع == صوتك أسمعه أو بي أجن
ويفيض مني باللبن == صدري ييمه أو أمتحن
وصرخ وصيحن ياثار == أبني الرضيع اللي غار
كلبي أنمله حزن أو ورم == واني أنصبت يبني أبسهم
ـــــــــــــــــــــــــ
ييني يعبد الله الامل == بيك أنتهه ما ظل بعد
من شفنه بالمنحر سهم == وأنته ترفرف ياولد
من شفنه بكماطك دمه == تبجي أو تسيل ألهه سجد
ذاك السهم صابه الندم == وضعه صعب أتعس وأشد
ويكول مو ذنبي الحدث == باغي الرماني عالجسد
صرت آني بيد الاشرار == وجهوني لبن الكرار
والحزن خيم عالحرم == واني أنصبت يبني أبسهم
ـــــــــــــــــــــــ
يبني يعبد الله أنخطف == لوني عليك أو يا أسف
بالدم غديت أو منذبح == جابك سبط طه أو هتف
هاج أبنج أمصوب غده == والدم على أكماطه أنذرف
ما أكدر أنظر مهجتي == جريان دمه ما وكف
عمته العقيله بالصبر == شالت رضيعي المنعرف
واني أشتعل كلبي أو صار == مليان بالهم محتار
وأنته رحت أحلى نغم == واني أنصبت يبني أبسهم
ــــــــــــــــــــ
جنت آني أنطر شوفتك == تكبر وشوفن زفتك
وأعلن زواجك وأبتهج == وأعيوني تربي الحوفتك
وأفرح يعبد الله أو أطش == دمع الفرح من فرحتك
تحضر تبارك كل هلك == بالزفه تحضر أخوتك
ما جنت أضن يبني أبد == دم النحر بي حنتك
ما جنت أضن الفجار == نحرك يذبحوه أشرار
الله العلي هو الحكم == واني أنصبت يبني أبسهم
ـــــــــــــــــــــ
نصبن خواتك مأتمك == لجمن جروحي النازفه
يبجن يلطمن يالأبن == وعيون للدم ذارفه
وكماطك البلدم غرك == حلنه يبني أو دم صفه
وتحنن أبدمك حزن == بيهن كبر فاض الوفه
عمتك ييمه شافتك == بيهه الحزن خيم لفه
صاحت دهرنه هالجار == ذبحو رضيع الاحرار
وأحسين أخويه بالالم == واني أنصبت يبني أبسهم
ــــــــــــــــــــ
باجر أعوفك عالثره == وأمشي أبأسر متكدره
وشلون أفارك بسمتك == وأنسه الذي صار أو جره
هذا حليبك هالنزل == والنار بيه أموجره
وشلون أصبر وأرتحل == ما شوفك أو نورك سره
لسهر ليالي أو أنتظر == أبني يجي وتنطره
باجر نعوف الابرار == نمشي أبأسر هالكفار
مكتوب وأنخط بالقلم == واني أنصبت يبني أبسهم
ــــــــــــــــــــــــــــــــــــــــــــــــــ ـــــــــــــــــــــــــــــــ
مع تحيات شاعر أهل البيت / جابر النجفي
اللهم صل على محمد وآل محمد وعجل فرجهم
يبنــــــــــي يعبـــــــد الله
ــــــــــــــــــــــــــــــــــــــــــــــــــ ـــــــ
يوليدي يلنحرك صار == مدمي أو سكوه الاشرار
نبلة حزن بيهه الالم == واني أنصبت يبني أبسهم
ـــــــــــــــــــــ
يبني يعبد الله الحزن == خيم علينه أو ما أضن
أفرح بعد فكدك فرح == أبكه اللثم نحرك أحن
يبني أنشده بالي أو كمت == مهدك أهزه يلأبن
وصحه أبلياليه أستمع == صوتك أسمعه أو بي أجن
ويفيض مني باللبن == صدري ييمه أو أمتحن
وصرخ وصيحن ياثار == أبني الرضيع اللي غار
كلبي أنمله حزن أو ورم == واني أنصبت يبني أبسهم
ـــــــــــــــــــــــــ
ييني يعبد الله الامل == بيك أنتهه ما ظل بعد
من شفنه بالمنحر سهم == وأنته ترفرف ياولد
من شفنه بكماطك دمه == تبجي أو تسيل ألهه سجد
ذاك السهم صابه الندم == وضعه صعب أتعس وأشد
ويكول مو ذنبي الحدث == باغي الرماني عالجسد
صرت آني بيد الاشرار == وجهوني لبن الكرار
والحزن خيم عالحرم == واني أنصبت يبني أبسهم
ـــــــــــــــــــــــ
يبني يعبد الله أنخطف == لوني عليك أو يا أسف
بالدم غديت أو منذبح == جابك سبط طه أو هتف
هاج أبنج أمصوب غده == والدم على أكماطه أنذرف
ما أكدر أنظر مهجتي == جريان دمه ما وكف
عمته العقيله بالصبر == شالت رضيعي المنعرف
واني أشتعل كلبي أو صار == مليان بالهم محتار
وأنته رحت أحلى نغم == واني أنصبت يبني أبسهم
ــــــــــــــــــــ
جنت آني أنطر شوفتك == تكبر وشوفن زفتك
وأعلن زواجك وأبتهج == وأعيوني تربي الحوفتك
وأفرح يعبد الله أو أطش == دمع الفرح من فرحتك
تحضر تبارك كل هلك == بالزفه تحضر أخوتك
ما جنت أضن يبني أبد == دم النحر بي حنتك
ما جنت أضن الفجار == نحرك يذبحوه أشرار
الله العلي هو الحكم == واني أنصبت يبني أبسهم
ـــــــــــــــــــــ
نصبن خواتك مأتمك == لجمن جروحي النازفه
يبجن يلطمن يالأبن == وعيون للدم ذارفه
وكماطك البلدم غرك == حلنه يبني أو دم صفه
وتحنن أبدمك حزن == بيهن كبر فاض الوفه
عمتك ييمه شافتك == بيهه الحزن خيم لفه
صاحت دهرنه هالجار == ذبحو رضيع الاحرار
وأحسين أخويه بالالم == واني أنصبت يبني أبسهم
ــــــــــــــــــــ
باجر أعوفك عالثره == وأمشي أبأسر متكدره
وشلون أفارك بسمتك == وأنسه الذي صار أو جره
هذا حليبك هالنزل == والنار بيه أموجره
وشلون أصبر وأرتحل == ما شوفك أو نورك سره
لسهر ليالي أو أنتظر == أبني يجي وتنطره
باجر نعوف الابرار == نمشي أبأسر هالكفار
مكتوب وأنخط بالقلم == واني أنصبت يبني أبسهم
ــــــــــــــــــــــــــــــــــــــــــــــــــ ـــــــــــــــــــــــــــــــ
مع تحيات شاعر أهل البيت / جابر النجفي