جابر النجفي
22-12-08, 07:36 PM
بسم الله الرحمن الرحيم
اللهم صل على محمد وآل محمد وعجل فرجهم
هذه قصيده منبريه لطميه على طور قصيدة
( أم البنين أتنادي يبني أو يروح الهادي )
التي قرأها الرادود الحسيني حمزه الزغير رحمه الله
فاجعة الحسين بالأكبر ــ لطميه
ــــــــــــــــــــــــــــــــــــــــــــــــــ ــــــــ
آ يبني آ يلأكبر === فوك الوطيه أموذر
واني الالم ماليني === ومصابك أمأذيني
آ يبني آ يلأكبر
ـــــــــــــــــــــــــــــ
جاني علي يسألني / للحومه يطلع ثاير / أبني أو ضوه أيامي
هذا شبيهك أبني / ياجدي واني حاير / مو هو كل أحلامي
واني البزوغه أتني / كوكب علينه داير / وأدري أبكسوفه آلامي
لو راح نوره أو أدبر === لفراكه آني مكدر
هم أو حزن يحويني === ومصابك أمأذيني
آ يبني آ يلاكبر
ــــــــــــــــــــــــــــ
خاض المنايه الاكبر / جن حيدر اليطويهم / حارو علي أبأوصافه
بالكوم يحدي أو طشر / والموت هالتانيهم / مات التدنه أو شافه
والسيف يحجي أو كبر / يحصد حصاده بيهم / نال الحياة العافه
خيل أو زلم تتعثر === فاز الشرد منه أو فر
جن حيدر اليرويني === ومصابك أمأذيني
آ يبني آ يلأكبر
ـــــــــــــــــــــ
لمن رجع يتبختر / فرحه ملت دلالي / وأمه الغريبه أتنطره
لونه أنخطف وتغير/ عطشان صاح الغالي / عمته العقيله أتنظره
كلبي يبويه يسعر/ عطشان مثلك حالي / أصبر يبويه الأمره
هذا الجرالي أمكدر === كلبي يبويه أتفطر
ومصايبي تجويني === ومصابك أمأذيني
آ يبني آ يلأكبر
ـــــــــــــــــــــــــ
أبني رجع للحومه / درب الشهاده أيريده / شايل دماه الاكبر
كلبه أنمله بهمومه / زود المراجل عيده / يشبه ولينه حيدر
لاجن غرك بدمومه / يشبك جواده أبأيده / جسمه علي أتوذر
كوكب طفه وتضرر === كلبي غده جالمجمر
والاكبر أيناديني === ومصابه أمأذيني
آ يبني آ يلاكبر
ــــــــــــــــــــــــ
يبني يلأكبر أدري / يصعب يبويه فركاك / يطفي ضواي أبضيه
وأحزاني بيه تسري / واني أظل دوم أتناك / خيمه أو تفيي أعليه
بس الدمع ظل يجري / من صار موتك وافاك / وهمومي طافت بيه
جنت أنتظر من أكبر === أتداريني بويه أو أفخر
هذا الدهر راميني === ومصابك أمأذيني
آ يبني آ يلأكبر
ــــــــــــــــــ
أول فدائي أنطيته / هذا الشبيه الدامي / بعده بكيت أبهمي
بالدم علي حنيته / أبني الذبيح الظامي / ناديت فاطم أمي
يافاطمه خليته / يفدي النفس هالحامي / تجري دماه أبدمي
هذا الشبيه الازهر === بالحومه راح أتكنطر
وتصب دمعهه عيني === ومصابك أمأذيني
آ يبني آ يلأكبر
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر أهل البيت / جابر النجفي
اللهم صل على محمد وآل محمد وعجل فرجهم
هذه قصيده منبريه لطميه على طور قصيدة
( أم البنين أتنادي يبني أو يروح الهادي )
التي قرأها الرادود الحسيني حمزه الزغير رحمه الله
فاجعة الحسين بالأكبر ــ لطميه
ــــــــــــــــــــــــــــــــــــــــــــــــــ ــــــــ
آ يبني آ يلأكبر === فوك الوطيه أموذر
واني الالم ماليني === ومصابك أمأذيني
آ يبني آ يلأكبر
ـــــــــــــــــــــــــــــ
جاني علي يسألني / للحومه يطلع ثاير / أبني أو ضوه أيامي
هذا شبيهك أبني / ياجدي واني حاير / مو هو كل أحلامي
واني البزوغه أتني / كوكب علينه داير / وأدري أبكسوفه آلامي
لو راح نوره أو أدبر === لفراكه آني مكدر
هم أو حزن يحويني === ومصابك أمأذيني
آ يبني آ يلاكبر
ــــــــــــــــــــــــــــ
خاض المنايه الاكبر / جن حيدر اليطويهم / حارو علي أبأوصافه
بالكوم يحدي أو طشر / والموت هالتانيهم / مات التدنه أو شافه
والسيف يحجي أو كبر / يحصد حصاده بيهم / نال الحياة العافه
خيل أو زلم تتعثر === فاز الشرد منه أو فر
جن حيدر اليرويني === ومصابك أمأذيني
آ يبني آ يلأكبر
ـــــــــــــــــــــ
لمن رجع يتبختر / فرحه ملت دلالي / وأمه الغريبه أتنطره
لونه أنخطف وتغير/ عطشان صاح الغالي / عمته العقيله أتنظره
كلبي يبويه يسعر/ عطشان مثلك حالي / أصبر يبويه الأمره
هذا الجرالي أمكدر === كلبي يبويه أتفطر
ومصايبي تجويني === ومصابك أمأذيني
آ يبني آ يلأكبر
ـــــــــــــــــــــــــ
أبني رجع للحومه / درب الشهاده أيريده / شايل دماه الاكبر
كلبه أنمله بهمومه / زود المراجل عيده / يشبه ولينه حيدر
لاجن غرك بدمومه / يشبك جواده أبأيده / جسمه علي أتوذر
كوكب طفه وتضرر === كلبي غده جالمجمر
والاكبر أيناديني === ومصابه أمأذيني
آ يبني آ يلاكبر
ــــــــــــــــــــــــ
يبني يلأكبر أدري / يصعب يبويه فركاك / يطفي ضواي أبضيه
وأحزاني بيه تسري / واني أظل دوم أتناك / خيمه أو تفيي أعليه
بس الدمع ظل يجري / من صار موتك وافاك / وهمومي طافت بيه
جنت أنتظر من أكبر === أتداريني بويه أو أفخر
هذا الدهر راميني === ومصابك أمأذيني
آ يبني آ يلأكبر
ــــــــــــــــــ
أول فدائي أنطيته / هذا الشبيه الدامي / بعده بكيت أبهمي
بالدم علي حنيته / أبني الذبيح الظامي / ناديت فاطم أمي
يافاطمه خليته / يفدي النفس هالحامي / تجري دماه أبدمي
هذا الشبيه الازهر === بالحومه راح أتكنطر
وتصب دمعهه عيني === ومصابك أمأذيني
آ يبني آ يلأكبر
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر أهل البيت / جابر النجفي