جابر النجفي
24-01-09, 09:46 PM
بسم الله الرحمن الرحيم
اللهم صل على محمد وآل محمد وعجل فرجهم
أجيتك أنهض أو كوم ــ قصيده للمشايه
ــــــــــــــــــــــــــــــــــــــــــــــــــ ــــــــــــــــــ
من بعد الاسر وأمخاطف البين == أجيتك آني اليوم
زينب نادته ياخويه يحسين == أجيتك أنهض أو كوم
ــــــــــــــــ
أطفالك يبو اليمه والأيتام == أجولك والاسر نال
من عدهم يخويه أو ما بكه حيل == ألم يسري أو دمع سال
وتنادي يخويه بسمك أحسين == أجتك هاي العيال
تناديك أو تريدك تنهض أتشوف == هضمهه أو هاي الاحوال
آلمني البجي يحسين والحوم == أجيتك أنهض أو كوم
ــــــــــــ
عمه ياعلي وين الكمر صار == دفنته ياعلي وين
أشجيله أريدن وأفتح أعتاب == جفيلي غيبه البين
يمه ياعلي كلبي بكه أينوح == دم تبجيله العين
عهدي بالكمر يوفي العهد راح == وأدري بالعهد دين
أناديه الشهم عباس محروم == أجيتك أنهض أو كوم
ـــــــــــــ
عمه ياعلي أنصب عزه اليوم == أريدن يم الحسين
عساني أندفن وياه للدوم == وشوفه ياعلي أيبين
وضمدله الجروح النازفه أهناك == يصير الملكه ويحين
ورويه الدمع من عيني وأرتاح == ما يبرالي البين
وشمه بالصدر وأنده يمظلوم == أجيتك أنهض أو كوم
ـــــــــــــ
عمه ياعلي وين الطفل راح == أخافن سحكته الخيل
ما شفته يعمه بالدفن لاح == ماخذ مني الحيل
كلبي ما ركد أبدن بجه أو ناح == وشوفن دنيتي ليل
من يوم الطفل حيلي وكع طاح == وهمومي غدت سيل
جاوبني يخويه كافي النوم == أجيتك أنهض أو كوم
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مع تحيات شاعر أهل البيت / جابر النجفي
اللهم صل على محمد وآل محمد وعجل فرجهم
أجيتك أنهض أو كوم ــ قصيده للمشايه
ــــــــــــــــــــــــــــــــــــــــــــــــــ ــــــــــــــــــ
من بعد الاسر وأمخاطف البين == أجيتك آني اليوم
زينب نادته ياخويه يحسين == أجيتك أنهض أو كوم
ــــــــــــــــ
أطفالك يبو اليمه والأيتام == أجولك والاسر نال
من عدهم يخويه أو ما بكه حيل == ألم يسري أو دمع سال
وتنادي يخويه بسمك أحسين == أجتك هاي العيال
تناديك أو تريدك تنهض أتشوف == هضمهه أو هاي الاحوال
آلمني البجي يحسين والحوم == أجيتك أنهض أو كوم
ــــــــــــ
عمه ياعلي وين الكمر صار == دفنته ياعلي وين
أشجيله أريدن وأفتح أعتاب == جفيلي غيبه البين
يمه ياعلي كلبي بكه أينوح == دم تبجيله العين
عهدي بالكمر يوفي العهد راح == وأدري بالعهد دين
أناديه الشهم عباس محروم == أجيتك أنهض أو كوم
ـــــــــــــ
عمه ياعلي أنصب عزه اليوم == أريدن يم الحسين
عساني أندفن وياه للدوم == وشوفه ياعلي أيبين
وضمدله الجروح النازفه أهناك == يصير الملكه ويحين
ورويه الدمع من عيني وأرتاح == ما يبرالي البين
وشمه بالصدر وأنده يمظلوم == أجيتك أنهض أو كوم
ـــــــــــــ
عمه ياعلي وين الطفل راح == أخافن سحكته الخيل
ما شفته يعمه بالدفن لاح == ماخذ مني الحيل
كلبي ما ركد أبدن بجه أو ناح == وشوفن دنيتي ليل
من يوم الطفل حيلي وكع طاح == وهمومي غدت سيل
جاوبني يخويه كافي النوم == أجيتك أنهض أو كوم
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مع تحيات شاعر أهل البيت / جابر النجفي