المساعد الشخصي الرقمي

مشاهدة النسخة كاملة : انا ــ والقصيده , لاحتفالية مولد الامام الرضا ع

رحيم الحسيني الحسناوي
20-10-10, 11:15 PM
اليوم مولد ضامن الجننه الهمام

ــــــــــــــــــــــــــــــــــــــــــــــــــ ـــــــــ

من يعتتني الليل لادراج الهيام

تهيم روحي ويعتذر مني المنام

شما احاول

ما اطاول

تكعد كبالي القصيدة

تكول عننك مو بعيده

وكلي لك باسم الطهر راية وحسام

اليوم مولد ضامن الجنه الهمام

ويالرضا شلون ابتديلك

وانته عالوادم جميلك

ياخذ الحاجه ويرد فرحان كلمن يعتنيلك

ما انام

شلون انام

اليوم مولد ضامن الجنه الهمام

ويه النبض اسمع رضا يدك النبض

والروح وي كل جلمه حيدر تنتفض

وانه ادري حبكم عالبشر طاعه وفرض

مو بس وعض

انتم قناديل الارض

انتم بعين العده رماح وسهام

اليوم مولد ضامن الجنه الهمام

روحي طير يحوم ما بين القوافي

وكعبة الكرار حججي وكل طوافي

انه مسلم ديني دين الله اكيد

وما اسللم للكفر مثل العبيد

حسين ديني

والله ربي

وعالنبي واله الطهر يحلا السلام

اليوم مولد ضامن الجنه الهمام

ياعلي ويتبع كلامي

وانته حبي وكل غرامي

انته بيتي

وانتي يا دنيه بعلي واهله اعتليتي

انتم اهلي وخووتي وكل العمام

اليوم مولد ضامن الجنه الهمام

شموع اشوف تنور باركان السما

وكل النجوم تبارك لحامي الحما

ماكو ليل وماكو اصلا كل ضلام

اليوم مولد ضامن الجنه الهمام

نبارك لحيدر علي

بنور الرضا الثامن علي

تفدي ذر ترابكم روحي وعمامي وكل هلي

مامن ولي

غيرك علي

وانته بس بعد النبي الحك والامام

اليوم مولد ضامن الجنه الهمام

واسالكم الدعاء رحم الله والديكم

رحيم الحسناوي
ام احمد
21-10-10, 12:53 AM
[Only Registered Users Can See Links]



أحسنت وطيب الله انفاسك شاعرنا الفاضل


رحيم الحسناوي


على القصيده الرضويه الرائعه


ومتباركين مولد شمش الشموس وانيس النفوس الرضا ع


رزقنا الله واياكم زيارته في الدنيا وشفاعته في الاخره


موفق ببركة الصلاة على محمد وآل محمد


تحياتي



[Only Registered Users Can See Links]
ملاذي حسين
21-10-10, 01:40 PM
طيب الله انفاسك شاعرنا على الكلمات الرآآآئعه - يعطيك العافيه
عدنان الحمامي
21-10-10, 02:21 PM
احسنت رحيم جميل ماكتبت من مفردات

والصياغه اجمل في حق ضامن الجنه الامام الرضا عليه السلام

اسئله ان يرزقنا واياك شفاعته ان شاء الله

تحياتي ودعائي
علي هاشم البدراوي
21-10-10, 02:35 PM
طيب الله انفاسك ياخادم الامام الرضا ع

قصيدة راائعه وفي منتهى الرووعه

تقبل الله .... تحياتي اخوكم علي
علي هاشم البدراوي
21-10-10, 02:38 PM
طيب الله انفاسك ياخادم الامام الرضا ع

قصيدة راائعه وفي منتهى الرووعه

تقبل الله .... تحياتي اخوكم علي
ملكوت
21-10-10, 02:48 PM
بارك الله بأنفاسكم الطيبه
مباركـ عليكمـ ميلادضامنـ الجنانـ
تحياتي
ملكوتـ