خويه حسين لمك ماتجي ليها-----للزهراء روحيلها الفداء

[عدنان الحمامي]

الوزن تجليبه
=========



خويه حسين لمك ماتجي ليها
بلجي اتعاين بوجهك دحاجيها
------------------
خويه حسين صاحت زينب بحسره
حال امك يخويه ما تجي اتنضره
وانته اعزيز خويه اعزيز للزهره
بلجي اتسمعك انشد شوفها اشبيها
--------------------
اشبيها اتشوف لمك خويه تتالم
ضلعها ما وكف منه نزيف الدم
بعين اختك يخويه هالنهار اضلم
والدنيه غدة وحشه لياليها
----------------
لياليها مكدره امبينه اعلينه
خويه والحزن يحسين يلفينه
امنه ما بعد تسمع بواجينه
ايدك عالضلع يحسين خليها
-------------------
خليها ولتبجي خاف لتسمعك
اعزيز انته ومترضه من يهل دمعك
على امي فاطمه ادري انطوه ضلعك
يحسين البجي يحسين ياذيها
------------------------
ياذيها البجي يحسين امشي اهناك
عنها ابعيد نبجي خويه انه اوياك
خلي اتجود عيني بالبجي وعيناك
على الزهره يخويه اعيوني لعميها
-----------------------
اعيوني عالزجيه لوعمت فدوه
يحسين وعكبها العمر مايسوه
من ريت السمه فوك الارض يهوه
ولا امي بهضمها اتموت تاليها
--------------------
مهضومه يخويه حسين امي اتروح
دمعتها ابجفنها والصدر مجروح
شيفيد البجي شيفيد خويه النوح
وثياب الحزن للابد نجسيها
------------------------


اذكرونا بدعائكم تحضركم الزهراء ع
خادم خدام الزهراء سيد عدنان الحمامي

[نجمةالأحساء]

جزاك الله خيراً على القصيدة الرائع وجعلك الله دائما في خدمه
أهل البيت عليهم السلام..ورزقنا واياك شفاعه الزهراء يوم القيامه
يعطيك العافيه تقبل تحياتي ومروري...

[أبو محمد]

اللهم صل على محمد وآل محمد

بارك الله فيكم

تحياتي

----

تمت المراقبة من قبل مغرم بالحسين

[أبو الأحرار]

الله أكبر

مولانا سلمت إيدك على هذا الطرح الحزين ، مولاي أنا أحب الدمعه وكل شعر فيه دمعه يأسرني بجماله ، يارب نشوف الملا يقراها لنا بصوته الشجي الحزين .

بارك الله فيك والله يعجز لساني عن الثناء عليك وعلى قصيدتك .