يسجان السجن لا لا تسد بابه---اجتي امواجهه للكاضم احبابه

[عدنان الحمامي]

الوز ن تجليبه
------------



يسجان السجن لا لا تسد بابه
اجتي امواجهه للكاضم احبابه
----------------------
يسجان السجن فك بابه وتانه
عزيز وغاب لارد كل خبر منه
دورنه السجون بكل كتر عنه
مدري ابياسجن وينام بترابه
=------------------
مدري ابيا سجن بالبصره لو بغداد
وبقيد الحديد وقسوة الجلاد
هذا ابن النبي وللناس باب امراد
والوادم الداره اتقبل اعتابه
------------
ياسجان عدنه امواجهه وياه
غالي الكاضم وبلجن صدك نلكاه
هاي اسنين غاب وما بعد شفناه
وصعبه اعله العزيز ايطول اغيابه
------------------
بلجن نطمئن لوننضرالوضعه
صدك محروم حتى من ضوه الشمعه
ياسجان يشتم الهوه طلعه
جبنه افراش اله ويبدل اثيابه
---------------
ياسجان خاف ابسجنه يتالم
وبساكه الحديد او يجري منها الدم
حيل امنين ضل بالكاضم اتهدم
ذنبه اشجان خصمه للسجن جابه
--------------------
ياسجان ذنبه اشجان مترحمه
مو هذا الزجيه فاطمه امه
شلون اتحجبه هاي اسنين وتضمه
شمسوي ذنب ينحبس وطلابه
--------------
شمسوي ذنب كل ذنب ماعنده
مو هذا غريب ابغربته وحده
بس لتكول بالسم مردوا جبده
موهالدنيه كلها الكاضم اتهابه
---------------------


اذكرونا بدعائكم يرحمكم الله
سيد عدنان الحمامي

[نجمةالأحساء]

قصيدة رائعه جداً يعطيك العافيه وحفظك الله دائما في خدمه أهل البيت
عليهم السلام جزاك الله خير الجزاء..يعطيك العافيه تقبل تحياتي ومروي..

[الخيال]

تسلم اخي على القصيده الرائعه

يعيطك الف عافيه

....................

تمت المراقيه من قبل الــخــيـــال

[أبو محمد]

قصيدة رائعة

الله يقضى حاجتك بحق باب الحوائج الامام الكاظم

تحياتي

[أبو الأحرار]

أحسنت مولانا والله يقضي حوائجكم بحق مولانا الإمام موسى بن جعفر عليه الصلاة والسلام .

بارك الله فيك

[عدنان الحمامي]

بسمه تعالى
تحيه ولائيه معطره بحب الزهراء عليه السلام
الاخت نجمة الاحساء الفاضله
الاخ الكريم الخيال
الاخ العزيز مغرم بالحسين
الاخ الفاضل ابو الحر
سلام من الله عليكم اين ماكنتم
شكري الجزيل مع احتراماتي لكم
ودعائي بالموفقيه والنجاح باعمالكم انشا الله
ودمتم لنا سالمين
اخوكم سيد عدنان الحمامي