عدنان الحمامي
03-07-07, 01:27 PM
هاك اشرب يعبد الله دمع عيني
شح الماي يبني بينك وبيني
*****************
شح الماي اجيب الماي گلي امنين
يبني ومابگه غير الدمع بالعين
ريت البين يعبد الله خذاني البين
بيدي اتموت هالدنيه تراويني
******************
تراويني الدنيه اتنازع بهل الحال
يازهرة حياتي ونبعة الامال
جمر اضماك يحرگ يبني بالدلال
يجويني احس اضماك يجويني
******************
يجويني واعاين حالك ابرهبه
وعينك بس على امك يالولد تربه
راح اعصر اعيوني المايهن شربه
واخذ شريان كلبي الي يغذيني
***************
يغذيني القهر يبني وانين الروح
واهز مهدك ييمه بالالم والنوح
موهينه يعبد الله امن اديه اتروح
للهم والحزن يبني تخليني
***************
تخليني بحزني وحسرتي وروعي
ويضلن كل وكت دم تهمل ادموعي
تسع تشهر مهد صارتلك اضلوعي
ييمه ومن اناغيلك تسليني
********************
تسليني جنت سلوه يبعد امك
يعبد وجنت كل ساعه اشتمك
ليل انهار اناطر گاعده يمك
اعاين وجهك الهمي ينسيني
***************
تنسيني اهمومي من اعاين ليك
عيني افراش الك وجفونها اتغطيك
لو من الهوه يوليدي اخاف اعليك
والياذيك احس يوليدي ياذيني
**************
شلون اليوم يبني تبتعد عني
وليش ام المنايا اخذتك مني
يعبد الله ييمه ينگطع ضني
وايامي بعد مدري اشتراويني
*******************
اللهم بحق رضيع الحسين ارضا عنا وتجاوز عن سيئاتنا
واغفر لنا كل ذنب اذنبناه يالله
وا رزقنا شفاعة الحسين عليه السلام
اذكرونا بدعائكم يرحمكم الله
سيد عدنان الحمامي
شح الماي يبني بينك وبيني
*****************
شح الماي اجيب الماي گلي امنين
يبني ومابگه غير الدمع بالعين
ريت البين يعبد الله خذاني البين
بيدي اتموت هالدنيه تراويني
******************
تراويني الدنيه اتنازع بهل الحال
يازهرة حياتي ونبعة الامال
جمر اضماك يحرگ يبني بالدلال
يجويني احس اضماك يجويني
******************
يجويني واعاين حالك ابرهبه
وعينك بس على امك يالولد تربه
راح اعصر اعيوني المايهن شربه
واخذ شريان كلبي الي يغذيني
***************
يغذيني القهر يبني وانين الروح
واهز مهدك ييمه بالالم والنوح
موهينه يعبد الله امن اديه اتروح
للهم والحزن يبني تخليني
***************
تخليني بحزني وحسرتي وروعي
ويضلن كل وكت دم تهمل ادموعي
تسع تشهر مهد صارتلك اضلوعي
ييمه ومن اناغيلك تسليني
********************
تسليني جنت سلوه يبعد امك
يعبد وجنت كل ساعه اشتمك
ليل انهار اناطر گاعده يمك
اعاين وجهك الهمي ينسيني
***************
تنسيني اهمومي من اعاين ليك
عيني افراش الك وجفونها اتغطيك
لو من الهوه يوليدي اخاف اعليك
والياذيك احس يوليدي ياذيني
**************
شلون اليوم يبني تبتعد عني
وليش ام المنايا اخذتك مني
يعبد الله ييمه ينگطع ضني
وايامي بعد مدري اشتراويني
*******************
اللهم بحق رضيع الحسين ارضا عنا وتجاوز عن سيئاتنا
واغفر لنا كل ذنب اذنبناه يالله
وا رزقنا شفاعة الحسين عليه السلام
اذكرونا بدعائكم يرحمكم الله
سيد عدنان الحمامي