سيد باسم الكربلائى
17-07-07, 04:04 PM
بسم الله الرحمن الرحيم
اللهم صل على محمد
وآل محمد وعجل فرجهم
ياكريم
شعارنا في الحياة حب الحسين
وآل بيته الطيبين
قصيده بحق الزهراء عيله السلام
-----------------------------
أول طف فدك مو طف الحسين
واكو نقطة تشابه بين الاثنين
دين الله انكسر واحتاج تجبير
وظلعج من تكسر جبر الدين
أذن ماجان عندج عند الحسين
بس شويه زاد وصار جرحين
بالطف ارتباطج ثابت يكون
لان ظلعج شرارة الثورة حسين
اذا كالوا حسين بحوزة انصار
وانت الوحدج ماعندج أمعين
ماكولن فرق بيناتكم صار
ولاخلي العدد هو الموازين
شلون الوحدج موحيدر أوياج؟؟
وحيدر وحده أيعادله سبعبن
علي يكدر بصبعه يكلب الكون
يحصدهم حصد ميبقي عدلين
ويكدر من جديد أيرجع الكاع
بذو الفقار بس وانت تدرين
لان هو اليجتف مايجتفوه
بس شاء الله وجتفه الدين
أذن نفس المسيره ونفس الايام
نفس هاي السنه من ذيج السنين
نفس ذبحج ذبحته ونفس الاسلاح
طفج وي طفه يصير طفين
وتره البسمار نفسه البظلع جان
سيف اتحول وكص راس الحسين
ملايين بمحبتج باجر اتفوز
وبكرهج غدا تهلك ملايين
اذا نفرض علي ماجان موجود
ولابد من وصي أتنص القوانين
ألج بس الخلافه مكدره أتلوك
وألج ترهم أمير أعله المسلمين
كوكب دري أنت بنصه مصباح
يوقد من شجر مامر على العين
من نورج مناره أتضوي عالكون
ومن عدها أنقطع مولاتي فرعين
نفس الشجره انت وفرعج حسين
ونفس ماصار يمج صار بعدين
بعلي الاكبر ونفسه يجود الحسين
وأنت بنفس وطفلج تجودين
أهل بيتج سبايه انكادوا اهناك
وأتلوج الأطفال أوي النساوين
يعني انت البدايه وهذا قربان
تمهيدا أجه .....الكل القرابين
أما البدن لغزه أمدوخ الكون
كلها أتريد تعرف مندفن وين
ربج شال نعشج للسمه بليل
وكبرج منه يمكن قاب قوسين
لوجوه العرش لويمه بالساق
وأذا مو يمه كلش.. عنه مترين
بقة بس شغله وحده وبيها محتار
انه وفكري يمها من المساجين
اذا مرج عطش واتغير الحال
للماي العذب ...... ترحيله منين؟!!
بالله حسين منج يشرب الماي
بس أشلون.... أنت منين تروين؟!!
مدام الكوثر أنت وكوثر الماي
يعني أشلون من روحج تشربين
ياثار الاله......... وثار الاسلام
ياثار النبي...... وسيد الوصيين
كلج معجزه.. بالدنيا وهناك
شفيعه انت وعلي الكل المذنبين
بعد النبي وحيدر من يوازيج؟؟
الشخصج فقط...... أنت التوازين
ويوم الحشر بيدج كفة الناس
وبكيفج بعد...... أنت التفصلين
-------------------------------------
اللهم بحق ضلع الزهراء
اقضى حواج المحتاجين
لاتنسونا بالدعاء
تقبلوا تحياتى وخدمتى الى الحسين عليه السلام
سيد باسم الكربلائى
---------------------------------
اللهم صل على محمد
وآل محمد وعجل فرجهم
ياكريم
شعارنا في الحياة حب الحسين
وآل بيته الطيبين
قصيده بحق الزهراء عيله السلام
-----------------------------
أول طف فدك مو طف الحسين
واكو نقطة تشابه بين الاثنين
دين الله انكسر واحتاج تجبير
وظلعج من تكسر جبر الدين
أذن ماجان عندج عند الحسين
بس شويه زاد وصار جرحين
بالطف ارتباطج ثابت يكون
لان ظلعج شرارة الثورة حسين
اذا كالوا حسين بحوزة انصار
وانت الوحدج ماعندج أمعين
ماكولن فرق بيناتكم صار
ولاخلي العدد هو الموازين
شلون الوحدج موحيدر أوياج؟؟
وحيدر وحده أيعادله سبعبن
علي يكدر بصبعه يكلب الكون
يحصدهم حصد ميبقي عدلين
ويكدر من جديد أيرجع الكاع
بذو الفقار بس وانت تدرين
لان هو اليجتف مايجتفوه
بس شاء الله وجتفه الدين
أذن نفس المسيره ونفس الايام
نفس هاي السنه من ذيج السنين
نفس ذبحج ذبحته ونفس الاسلاح
طفج وي طفه يصير طفين
وتره البسمار نفسه البظلع جان
سيف اتحول وكص راس الحسين
ملايين بمحبتج باجر اتفوز
وبكرهج غدا تهلك ملايين
اذا نفرض علي ماجان موجود
ولابد من وصي أتنص القوانين
ألج بس الخلافه مكدره أتلوك
وألج ترهم أمير أعله المسلمين
كوكب دري أنت بنصه مصباح
يوقد من شجر مامر على العين
من نورج مناره أتضوي عالكون
ومن عدها أنقطع مولاتي فرعين
نفس الشجره انت وفرعج حسين
ونفس ماصار يمج صار بعدين
بعلي الاكبر ونفسه يجود الحسين
وأنت بنفس وطفلج تجودين
أهل بيتج سبايه انكادوا اهناك
وأتلوج الأطفال أوي النساوين
يعني انت البدايه وهذا قربان
تمهيدا أجه .....الكل القرابين
أما البدن لغزه أمدوخ الكون
كلها أتريد تعرف مندفن وين
ربج شال نعشج للسمه بليل
وكبرج منه يمكن قاب قوسين
لوجوه العرش لويمه بالساق
وأذا مو يمه كلش.. عنه مترين
بقة بس شغله وحده وبيها محتار
انه وفكري يمها من المساجين
اذا مرج عطش واتغير الحال
للماي العذب ...... ترحيله منين؟!!
بالله حسين منج يشرب الماي
بس أشلون.... أنت منين تروين؟!!
مدام الكوثر أنت وكوثر الماي
يعني أشلون من روحج تشربين
ياثار الاله......... وثار الاسلام
ياثار النبي...... وسيد الوصيين
كلج معجزه.. بالدنيا وهناك
شفيعه انت وعلي الكل المذنبين
بعد النبي وحيدر من يوازيج؟؟
الشخصج فقط...... أنت التوازين
ويوم الحشر بيدج كفة الناس
وبكيفج بعد...... أنت التفصلين
-------------------------------------
اللهم بحق ضلع الزهراء
اقضى حواج المحتاجين
لاتنسونا بالدعاء
تقبلوا تحياتى وخدمتى الى الحسين عليه السلام
سيد باسم الكربلائى
---------------------------------