عدنان الحمامي
28-07-07, 11:07 AM
الوزن شيعتي -------- گعده
---------- المستهل -----------
زينب ياعلي اتودع عمرها ---- موتها الحزن جمره ابصدرها
ياهو الي مثلها ----- ذبحوا كل اهلها
-----------------------
ياعلي خل تبچي عينك زينب اليله تودعك
ابعيده ماتت عن اهلها فيضه ياعلي الدمعك
اطوي يابو حسين اطوي عالغريبه اتموت ضلعك
اخوتها تحضرها ارتجت ---- لاام تواسيها اجت
لا اخت واعليها بچت ----- حالها چا مايفجعك
ناس الي تندبك ليها تحضر
اشمعنه ماتجي الزينب يحيدر
غيرك ياهو الها ------ ذبحوا كل اهلها
*************************
ياعلي للشام تحضر الزينب المايوم فرحت
عاين اجفون الغريبه المن بواچيها تجرحت
اتشاهد الظيم ابوجههه وللحزن صفرته اتوضحت
اشحامل گلبها من قهر ----- مو هم يحيدر عالضهر
تلگه السياط الها اثر ------ ومهجه ماكو شكثر صيحت
بالطف نادتك ياعلي چم دوب
ياصبر اليظل يامهجه متذوب
فگدتلك املها ----- ذبحوا كل اهلها
***************************
ياعلي خو تدري بيها الشام هذا مو وطنها
ماتت ابغربه وحزينه من بعد قسوة محنها
ضلت الدمعه اعله خدها وبالگلب ينسمع ونها
تدريها ياعقد الوله ------ اتسلب خدرها ابكربله
والاشد ماتتحمله ----- لا اخو الظل لا ابنها
امصايب زينب اتهز الظماير
شلون اتحملت كل فكر حاير
لوعه من حملها ---- ذبحوا كل اهلها
***********************
ياعلي شتگول زينب ياصبر هذا صبرها
ظلت اخلاف ابو اليمه اتصارع العبره وجمرها
خويه يامظلوم خويه تلهج وختمت عمرها
لحسين اخوها رادته ----- يحضرها بلچي وشافته
اينگطلها ماي اتمنته ----- وبيده ايغمض جفنها
لااخوتها الامل رادت يجوها
ابهيبه ياعلي امن ايشيعوها
وچاوين الكفلها ------- ذبحوا كل اهلها
*************************
ياعلي للناس عاده لليموت اهله تحضره
اتغسله اتچفنه ا تشيعه بهيبته اينزلوه بگبره
ليش زينب ماتجيها ياعلي وماتجي الزهره
ياعلي هاي اوديعتك ---- ياعلي هاي اعزيزتك
مو هيه زينب رادتك ---- الحالها بعينك تنظره
امها خل تجي اتحضر چفنها
ونته ياعلي بيدك دفنها
مايلتم شملها ------ ذبحوا كل اخلها
************************
ودعت زينب حزنها واخذت اوياها المصايب
ارتاحت امن الظيم كافي ختمت انواع النوايب
وگلب ابو فاظل اليله عالعقيله وچبده ذايب
للطف منو ايوصل خبر
لعباس ابن فارس مضر
لوداع اللعزيزه حضر
شلون ينهض ابو فاظل والچفوف امگطعيها
*********************************
اللهم بحق عقيلة الطالبيين
شافي مرضانا وارحم موتانا
وتب علينا
خاد الزهراء
الشاعر الحسيني سيد عدنان الحمامي
---------- المستهل -----------
زينب ياعلي اتودع عمرها ---- موتها الحزن جمره ابصدرها
ياهو الي مثلها ----- ذبحوا كل اهلها
-----------------------
ياعلي خل تبچي عينك زينب اليله تودعك
ابعيده ماتت عن اهلها فيضه ياعلي الدمعك
اطوي يابو حسين اطوي عالغريبه اتموت ضلعك
اخوتها تحضرها ارتجت ---- لاام تواسيها اجت
لا اخت واعليها بچت ----- حالها چا مايفجعك
ناس الي تندبك ليها تحضر
اشمعنه ماتجي الزينب يحيدر
غيرك ياهو الها ------ ذبحوا كل اهلها
*************************
ياعلي للشام تحضر الزينب المايوم فرحت
عاين اجفون الغريبه المن بواچيها تجرحت
اتشاهد الظيم ابوجههه وللحزن صفرته اتوضحت
اشحامل گلبها من قهر ----- مو هم يحيدر عالضهر
تلگه السياط الها اثر ------ ومهجه ماكو شكثر صيحت
بالطف نادتك ياعلي چم دوب
ياصبر اليظل يامهجه متذوب
فگدتلك املها ----- ذبحوا كل اهلها
***************************
ياعلي خو تدري بيها الشام هذا مو وطنها
ماتت ابغربه وحزينه من بعد قسوة محنها
ضلت الدمعه اعله خدها وبالگلب ينسمع ونها
تدريها ياعقد الوله ------ اتسلب خدرها ابكربله
والاشد ماتتحمله ----- لا اخو الظل لا ابنها
امصايب زينب اتهز الظماير
شلون اتحملت كل فكر حاير
لوعه من حملها ---- ذبحوا كل اهلها
***********************
ياعلي شتگول زينب ياصبر هذا صبرها
ظلت اخلاف ابو اليمه اتصارع العبره وجمرها
خويه يامظلوم خويه تلهج وختمت عمرها
لحسين اخوها رادته ----- يحضرها بلچي وشافته
اينگطلها ماي اتمنته ----- وبيده ايغمض جفنها
لااخوتها الامل رادت يجوها
ابهيبه ياعلي امن ايشيعوها
وچاوين الكفلها ------- ذبحوا كل اهلها
*************************
ياعلي للناس عاده لليموت اهله تحضره
اتغسله اتچفنه ا تشيعه بهيبته اينزلوه بگبره
ليش زينب ماتجيها ياعلي وماتجي الزهره
ياعلي هاي اوديعتك ---- ياعلي هاي اعزيزتك
مو هيه زينب رادتك ---- الحالها بعينك تنظره
امها خل تجي اتحضر چفنها
ونته ياعلي بيدك دفنها
مايلتم شملها ------ ذبحوا كل اخلها
************************
ودعت زينب حزنها واخذت اوياها المصايب
ارتاحت امن الظيم كافي ختمت انواع النوايب
وگلب ابو فاظل اليله عالعقيله وچبده ذايب
للطف منو ايوصل خبر
لعباس ابن فارس مضر
لوداع اللعزيزه حضر
شلون ينهض ابو فاظل والچفوف امگطعيها
*********************************
اللهم بحق عقيلة الطالبيين
شافي مرضانا وارحم موتانا
وتب علينا
خاد الزهراء
الشاعر الحسيني سيد عدنان الحمامي