عدنان الحمامي
04-08-07, 11:54 AM
ميمير امذيل
--------------
المستهل
--------
وين اهله وين اهله ----- هالنعش وين اهله
عالجسر محد شيعه ---- هالنعش وين اهله
------------------------------
تنشد الوادم هالنعش هذا امنين ---- وگفت تنظره
لايمه من اهله وعليه تبچي العين ---- ولا لجله عبره
وين الهواشم عن ابن جعفر وين ---- محد يحضره
غايب ومانشدوا عليه صار اسنين ----- غيبوا بدره
موسهله موسهله ----- فاجعه موسهله
الغربه عليه متجمعه --- هالنعش وين اهله
----------------------------------
خل تبچي عين الفاجعه وعين الكون ---- والسمه ينعاه
هذا الغريب ابغربته ايموت شلون ----- لا اهله وياه
عالجسر نعشه الكاظم ايظل مرهون ---- من عگب بلواه
ابرهبة سجن يختم حياته مسجون ---- ودع الدنياه
شيحمله شيحمله ---- هالامر شيحمله
لامن حضرله اودعه ------ هالنعش وين اهله
--------------------------------
محد حضرله شكثر صار اهلاله ---- عالامه غايب
بطاموره ظلمه والمنيه اگباله ------ وفوگه النوايب
اخمسطعش عام الممتحن دلاله ------ يجرع مصايب
هذا الذي يرهب الكون اخياله ------ ابن الاطايب
منذهله منذهله ----- هالناس منذهله
ينشد الطيب مرضعه ---- هالنعش وين اهله
-------------------------------
راد الرضا ابنه يحضره يمه ----- ايعاين الوضعه
بلهفة ابو لبنه يشبگه ايشمه ----- لمن يودعه
وقيد الحديد النزف منه دمه ----- بيده ينزعه
وينظر الچبده الي يگطعه سمه ----- السم اشيجرعه
شيوصله شيوصله --- للسجن شيوصله
امن السجن خصمه طلعه ----- هالنعش وين اهله
---------------------------------
اربع حماميل ابن جعفر حملوه ------ من غمض عينه
من عگب بسجون الرهيبه ايعذبوه ---- ويختم اسنينه
صوت الحزن اهله شعجب ما سمعوه ----- برض المدينه
وللكاظم ابهيبه يجون ايشيعوه ------ ليظل رهينه
ترسمله ترسمله ----- ياصوره ترسمله
وبالنعش چبده امگطعه ------ هالنعش وين اهله
----------------------------------------
ياهو الذي الهذا الغريب ايحضره ------ ابن الاماجد
امن المصطفى باچر يحصل اجره ----- لو اجر رايد
هذا الامام الممتحن كل عمره ------ زاهد وعابد
بروح الصبر جاهد بعلمه وصبره ----- ابصبره يجاهد
ويكمله ويكمله ---- للمنهج ايكمله
للعدل صبره ايشرعه ----- هالنعش وين اهله
---------------------------------------
اللهم بحق باب الحوائج موسى بن جعفر ع
اقضي حوائجنا كلنا لدينا حوائج يالله يالله
سيد عدنان الحمامي
--------------
المستهل
--------
وين اهله وين اهله ----- هالنعش وين اهله
عالجسر محد شيعه ---- هالنعش وين اهله
------------------------------
تنشد الوادم هالنعش هذا امنين ---- وگفت تنظره
لايمه من اهله وعليه تبچي العين ---- ولا لجله عبره
وين الهواشم عن ابن جعفر وين ---- محد يحضره
غايب ومانشدوا عليه صار اسنين ----- غيبوا بدره
موسهله موسهله ----- فاجعه موسهله
الغربه عليه متجمعه --- هالنعش وين اهله
----------------------------------
خل تبچي عين الفاجعه وعين الكون ---- والسمه ينعاه
هذا الغريب ابغربته ايموت شلون ----- لا اهله وياه
عالجسر نعشه الكاظم ايظل مرهون ---- من عگب بلواه
ابرهبة سجن يختم حياته مسجون ---- ودع الدنياه
شيحمله شيحمله ---- هالامر شيحمله
لامن حضرله اودعه ------ هالنعش وين اهله
--------------------------------
محد حضرله شكثر صار اهلاله ---- عالامه غايب
بطاموره ظلمه والمنيه اگباله ------ وفوگه النوايب
اخمسطعش عام الممتحن دلاله ------ يجرع مصايب
هذا الذي يرهب الكون اخياله ------ ابن الاطايب
منذهله منذهله ----- هالناس منذهله
ينشد الطيب مرضعه ---- هالنعش وين اهله
-------------------------------
راد الرضا ابنه يحضره يمه ----- ايعاين الوضعه
بلهفة ابو لبنه يشبگه ايشمه ----- لمن يودعه
وقيد الحديد النزف منه دمه ----- بيده ينزعه
وينظر الچبده الي يگطعه سمه ----- السم اشيجرعه
شيوصله شيوصله --- للسجن شيوصله
امن السجن خصمه طلعه ----- هالنعش وين اهله
---------------------------------
اربع حماميل ابن جعفر حملوه ------ من غمض عينه
من عگب بسجون الرهيبه ايعذبوه ---- ويختم اسنينه
صوت الحزن اهله شعجب ما سمعوه ----- برض المدينه
وللكاظم ابهيبه يجون ايشيعوه ------ ليظل رهينه
ترسمله ترسمله ----- ياصوره ترسمله
وبالنعش چبده امگطعه ------ هالنعش وين اهله
----------------------------------------
ياهو الذي الهذا الغريب ايحضره ------ ابن الاماجد
امن المصطفى باچر يحصل اجره ----- لو اجر رايد
هذا الامام الممتحن كل عمره ------ زاهد وعابد
بروح الصبر جاهد بعلمه وصبره ----- ابصبره يجاهد
ويكمله ويكمله ---- للمنهج ايكمله
للعدل صبره ايشرعه ----- هالنعش وين اهله
---------------------------------------
اللهم بحق باب الحوائج موسى بن جعفر ع
اقضي حوائجنا كلنا لدينا حوائج يالله يالله
سيد عدنان الحمامي