انشد عاطغه وغلمانه وقصوره ---للامام الكاظم ع

[عدنان الحمامي]

الوزن تجليبه
--------------




حي ً الكاظم انظر عامره داره ----- هم تگدر تعدهم گلي زواره
-----------------------------------

وين اللي طغه وسلطان عنوانه --- سجونه الظلمه وين او وين سجانه

هم عنده گبر دلينه بمچانه ------ والكاظم مظيفه ما طفت ناره
-------------------------------

شوف الكاظم وعاين بعد نوره ----- ملايين التجي ملهوفه وتزوره

انشد عالطغه وغلمانه وقصوره ---- هالتاريخ يروي سوده اخباره اخباره
-------------------------------

اخبار الگصه واليشتغل جلاد ----- ترويها الك هالعاصمه بغداد

من هارون ولصدام ها لاوغاد ---- ماحسبوا الدنيه هاي دواره
---------------------------

دواره الدنيه المجرم اتفضحه ---- لابد للخلاص ايطر فجر صبحه

للحگ من گدر يالوادم ايذبحه ---- وشوف الكاظم الما غبت انواره
----------------------------------------

شوف الكاظم ووانظر ذهب گبته ---- مناير اربعه امن ابعيد لوشفته

لا متخيب لو فد يوم جربته ------ چم محتاج نال امراده من زاره
---------------------------------

زوره يالتطب ملهوف للحضره ------ ابجده حسين حلفه وحلفه بالزهره

اطلب حاجتك والطلب مياخره ------ شما تطلب ابد ميقدم اعذاره
-----------------------------------



اللهم انا نتوسل اليك بباب الحوائج موسى بن جعفر ع

ان تشافي مرضانا وترحم موتانا يالله يالله

سيد عدنان الحمامي

[نجمةالأحساء]

جزاك الله خيراً اخى على الكلمات الرائعه..
ورزقنا وأياكم شفاعته يوم القيامه..
موفق دائما بطرحك..
تقبل تحياتي ومروري..

[عدنان الحمامي]

جزاك الله خيراً اخى على الكلمات الرائعه..
ورزقنا وأياكم شفاعته يوم القيامه..
موفق دائما بطرحك..
تقبل تحياتي ومروري..



بسمه تعالى

بارك الله في مرورك اختي نجمة الاحساء

ودعائي لك بالتوفيق

تحياتي