إخذني وياك

[محمد المالكي]

عضيد حسين ما عوفك *** عيوني معلمه تشـــوفك
جبتني وياك *** إخذني وياك
************************
إخت مــــو كل إخت إختك *** ولا كلمـــن كفل عبــــاس
أســـولف والحجي يخجـل *** أوصفك يستحي النوماس
لون ما مش رمـــح شالك *** يطــوف وما يطيح الراس
يخــــــويه ادري متت لكن *** يقيني عيونك الحـــــراس

طبــــــع من والدي الغيره *** مصـــــــيبة فگدك چبيره
صعب فرگاك *** إخــذني وياك
**************************
أغـــــار عليك مــــــن أمـــك *** وأحبــــك اكثــــــر من الروح
اذا ليله بعـــــدت عنــــــــــي *** أظـــل انـــــزف گلب مجروح
أون وحســـــــــين ينشــدني *** أجــــــــاوب والدليل ينـــــوح
أخـــــافن كــــــــربله حــانت *** وأشوفه على الارض مذبوح

طفــــــــــــل بعدك خفت تبعد *** ردت برويحـــــــــــــتي تگعد
فلا أنســـاك *** إخذني وياك
***********************
إذا تضحك خضار يطگ *** ورد يصــبح رمل لتراب
وإذا تغضـــب يبو فاضل *** تطيــح بلا ضرب لرگاب
سمح طبــــع البحر چفك *** علي يــوم التهـــز الباب
انادي وچن صحت سكته *** إذا غيـرك يردلي جواب

عليك معــلِّمه وطـــــبعي *** إذا شــــــوفك يهل دمعي
ذبت بهـواك *** إخذني وياك
************************
وداعــــــي بكربله لراســك *** تظن ممكن توصفه حروف
قـــــوافي تمــــددت تلطـــم *** تعــــاين عل أرض لچفـوف
أبـــابيـــل وطحــــت وسفه *** عليـــك الفيل گـــــام يطوف
كعصـــفن من تهد چـــانوا *** طحت وتراگصـــت لسيوف

أميه بمــــــوتك إرتــــاحت *** يخــويه رويحتــــي صــاحت
اتــــــرجـاك *** إخذني وياك
*************************
يعــــــاين راســـــك لزينب *** أنشــــدك لو غفت لعــيون
لان ويـــــــانه ظل يمشــي *** جبينك كل مصـــيبه تهون
صحـيح الدم غسـل رمحك *** جســـــد ميَّة طعن مطعون
ولكن ظل شــــــرف إسمك *** يذكـــــرك كل زمن ممنون

أخـــــو سبط النبي وضلعه *** قليله بحقـــــــك الدمــــــعه
احب يمـناك *** إخذني وياك

[محبة السجاد]

ابدعت بحق بارك الله فيك

[مصطفى الجابري]

الله عليك يامبدع موفق بأذنه تعالى

[ابو باسم]

[Only Registered Users Can See Links] ([Only Registered Users Can See Links])

[Only Registered Users Can See Links] ([Only Registered Users Can See Links])

[أماني الموسوي]

[Only Registered Users Can See Links]

[Only Registered Users Can See Links]

قصيدة روعة وسلمت الأيادي
بارك الله بك

[كريم فليح]

بسم الله الرحمن الرحيم
اللهم صلّ على محمد وآل محمد الطيبين الطاهرين
إستاذي وإخي العزيز محمد المالكي
السلام عليكم
قصيده كصاحبها روعه والله روعه
إحسنت وبارك الله فيك وطابت إنفاسك الولائيه
شكـراً لكَ
تقبل تحاتي .

[لبيك يا الحسين]

طيب الله انفاسك شاعرنا الغالي

يعطيك الف الف عااااااافيه

[حيدر القريشي]

سلمت وسلم قلمك المبدع أيها الأخ العزيز