أبو محمد
20-10-07, 07:22 PM
بضعة داحي الباب زينب
شافت جم امصاب زينب
بين امصيبة ضلع الزهره بين احسين الهشمو صدره
**
هاي العقيله بت علي ابطوق الشرف معتصمه ... اترعرعت بحجور الوفه رضعت ثدايه العصمه
جدها محمد و الأبو حيدر حليف الهمه ... و أمها الوديعه فاطمه منبع كرامه و حكمه
كل هالشموخ و جابلت جور الزمان و ظلمه ... من زغر سنها شاهدت عالدار ذيج الهجمه
و شافت ذاك اليوم زينب ... ضلع أمها المهشوم زينب
احتارت بين الضلع و كسره
بين احسين الهشمو صدره
*
من أول اسنين العمر شافت مصيبة أمها ... و شافت الظالم من هجم و دار الوحي داهمها
شافت اشلون أم الحسن كسر الضلع ألمها ... شاركت امها فاطمه ابنار المصيبه و همها
حاربها طغيان الدهر و اعله الغصص علمها ... من فيض دمع أم الحزن صورة حزن نرسمها
شافت باب الدار زينب ... شافت ذيج النار زينب
ما بين النار المستعره
*
امصاب الوديعه فاطمه لمصاب زينب مصدر ... جف الظلم لمن دفع باب الطهر و اتجسر
زينب غدت ويه الحدث تتفاعل و تتأثر ... جنها اسمعت صوت الضلع بالباب حين اتكسر
فكرك و فكري و كل فكر من هالوضع يتحير ... ما يدري حزن أم الحسن لو حزن زينب أكثر
فكري و فكرك قال زينب ... و انقطعت آمال زينب
بين الدمعه و بين الجمره
*
ابساحة الدار الموحشه شنهو الحصل ما تدري ... شاهدت عالباب الحطب نيرانه ظلت تسري
لن تسمع أمها فاطمه اتصيح ابدمعها اليجري ... اتنادي اعله فضه و تنتحب يا فضه هشمو صدري
يا فضه محسن عالأرض طايح يافضه ابكتري ... يا فضه هيهات الصبر يقدر يجبر كسري
شافت هالحالات زينب ... سمعت هالصرخات زينب
بين الضلع اليصعب جبره
*
حانت مواقيت الأجل للزهره حفروا مضجع ... و هودر الليل و عالوعد نعش الوديعه اتشيع
ناعي الحزن صاح و نعه و زينب تصد و تسمع ... ناداها ماتت فاطمه و الكون ركنه اتصدع
هامت و ضربة عالوجه و انفجر سيل المدمع ... صاحت يناعي اتيتمت و قلبي انهضم و اتلوع
الليله انفجعت روح زينب ... لفراق أمها اتنوح زينب
بين أمها الماتت بالحسره
*
راحت الزهره و تستمر ظلت مصايب زينب ... اشما تذكر أمها فاطمه زينب تنوح و تنحب
و النوب فاجأها الدهر بمصاب أشد و أصعب ... شافت أبوها المرتضه ابمحرابه راسه اتصوب
من عقب حيدر للحسن قلب العقيله اتعذب ... و شافت جبدته بالطشت من جمرة السم تلهب
***
الشاعر الاديب جابر الكاظمي
شافت جم امصاب زينب
بين امصيبة ضلع الزهره بين احسين الهشمو صدره
**
هاي العقيله بت علي ابطوق الشرف معتصمه ... اترعرعت بحجور الوفه رضعت ثدايه العصمه
جدها محمد و الأبو حيدر حليف الهمه ... و أمها الوديعه فاطمه منبع كرامه و حكمه
كل هالشموخ و جابلت جور الزمان و ظلمه ... من زغر سنها شاهدت عالدار ذيج الهجمه
و شافت ذاك اليوم زينب ... ضلع أمها المهشوم زينب
احتارت بين الضلع و كسره
بين احسين الهشمو صدره
*
من أول اسنين العمر شافت مصيبة أمها ... و شافت الظالم من هجم و دار الوحي داهمها
شافت اشلون أم الحسن كسر الضلع ألمها ... شاركت امها فاطمه ابنار المصيبه و همها
حاربها طغيان الدهر و اعله الغصص علمها ... من فيض دمع أم الحزن صورة حزن نرسمها
شافت باب الدار زينب ... شافت ذيج النار زينب
ما بين النار المستعره
*
امصاب الوديعه فاطمه لمصاب زينب مصدر ... جف الظلم لمن دفع باب الطهر و اتجسر
زينب غدت ويه الحدث تتفاعل و تتأثر ... جنها اسمعت صوت الضلع بالباب حين اتكسر
فكرك و فكري و كل فكر من هالوضع يتحير ... ما يدري حزن أم الحسن لو حزن زينب أكثر
فكري و فكرك قال زينب ... و انقطعت آمال زينب
بين الدمعه و بين الجمره
*
ابساحة الدار الموحشه شنهو الحصل ما تدري ... شاهدت عالباب الحطب نيرانه ظلت تسري
لن تسمع أمها فاطمه اتصيح ابدمعها اليجري ... اتنادي اعله فضه و تنتحب يا فضه هشمو صدري
يا فضه محسن عالأرض طايح يافضه ابكتري ... يا فضه هيهات الصبر يقدر يجبر كسري
شافت هالحالات زينب ... سمعت هالصرخات زينب
بين الضلع اليصعب جبره
*
حانت مواقيت الأجل للزهره حفروا مضجع ... و هودر الليل و عالوعد نعش الوديعه اتشيع
ناعي الحزن صاح و نعه و زينب تصد و تسمع ... ناداها ماتت فاطمه و الكون ركنه اتصدع
هامت و ضربة عالوجه و انفجر سيل المدمع ... صاحت يناعي اتيتمت و قلبي انهضم و اتلوع
الليله انفجعت روح زينب ... لفراق أمها اتنوح زينب
بين أمها الماتت بالحسره
*
راحت الزهره و تستمر ظلت مصايب زينب ... اشما تذكر أمها فاطمه زينب تنوح و تنحب
و النوب فاجأها الدهر بمصاب أشد و أصعب ... شافت أبوها المرتضه ابمحرابه راسه اتصوب
من عقب حيدر للحسن قلب العقيله اتعذب ... و شافت جبدته بالطشت من جمرة السم تلهب
***
الشاعر الاديب جابر الكاظمي