عدنان الحمامي
06-11-07, 03:19 AM
بسمه تعالى
----------- بحر الطويل
عمي حسين -- مسلم وين -- هم يرجع بعد لينه
--------------------
على حسين الحزن خيم -- اول نايبه اتمربيه
واجت يمه حميده اتريد -- من عمها تشوفه اشبيه
لن حسين ظم دمعه -- عنها بالجفن يخفيه
خاف اتشوفه بت مسلم -- من عينه الدمع يجريه
بچت يمه -- كثر همه -- ابويه اتگله چاوينه
-------------------------
حسين ايگلها مسلم راح -- حميده منچ ومني
ومايرجع بعد هيهات -- ابمسلم ينگطع ظني
وشوفي دمعة اعيوني -- الفگده وبالگلب وني
وحزن اللي عليه صار -- مايبرح بعد عني
عدنه امصاب -- مسلم غاب -- ياهو البيه يواسينه
----------------------------------
ظلت تبچي يم حسين -- دمعتها تهل جمره
يعمي حسين حاچيني -- بيش الخاطري اتجبره
وگلبي بعد ابويه الراح -- بعد ياعمي شيصبره
هم عينك بعد يحسين -- وعيني المسلم اتنظره
هم ايعود -- ابويه اردود -- وعيني تنظر العينه
------------------------------
بگلب مفجوع تحچي اوياه -- حميده والفكر محتار
يعمي الكوفه غداره -- وجمره للفتن من نار
غدرت من قبل بينه -- وفجعتنه بعلي الكرار
واليوم انته ليها اتريد -- تمشي والدرب اخطار
لا لتروح -- بينه اجروح -- منها ابد ماشفينه
------------------------------
گاللها بعزم معروف -- اصلح رايد الامه
واليسعي يريد الخير -- الموت الموت ميهمه
وعمچ ياحميده اليوم -- ايضحي مثل ابن عمه
ودمي لونزف للدين -- دمي ايعانگك الدمه
مسلم راح -- للاصلاح -- ضحه من اجل دينه
---------------------------
الشاعر الحسيني
سيد عدنان الحمامي
----------- بحر الطويل
عمي حسين -- مسلم وين -- هم يرجع بعد لينه
--------------------
على حسين الحزن خيم -- اول نايبه اتمربيه
واجت يمه حميده اتريد -- من عمها تشوفه اشبيه
لن حسين ظم دمعه -- عنها بالجفن يخفيه
خاف اتشوفه بت مسلم -- من عينه الدمع يجريه
بچت يمه -- كثر همه -- ابويه اتگله چاوينه
-------------------------
حسين ايگلها مسلم راح -- حميده منچ ومني
ومايرجع بعد هيهات -- ابمسلم ينگطع ظني
وشوفي دمعة اعيوني -- الفگده وبالگلب وني
وحزن اللي عليه صار -- مايبرح بعد عني
عدنه امصاب -- مسلم غاب -- ياهو البيه يواسينه
----------------------------------
ظلت تبچي يم حسين -- دمعتها تهل جمره
يعمي حسين حاچيني -- بيش الخاطري اتجبره
وگلبي بعد ابويه الراح -- بعد ياعمي شيصبره
هم عينك بعد يحسين -- وعيني المسلم اتنظره
هم ايعود -- ابويه اردود -- وعيني تنظر العينه
------------------------------
بگلب مفجوع تحچي اوياه -- حميده والفكر محتار
يعمي الكوفه غداره -- وجمره للفتن من نار
غدرت من قبل بينه -- وفجعتنه بعلي الكرار
واليوم انته ليها اتريد -- تمشي والدرب اخطار
لا لتروح -- بينه اجروح -- منها ابد ماشفينه
------------------------------
گاللها بعزم معروف -- اصلح رايد الامه
واليسعي يريد الخير -- الموت الموت ميهمه
وعمچ ياحميده اليوم -- ايضحي مثل ابن عمه
ودمي لونزف للدين -- دمي ايعانگك الدمه
مسلم راح -- للاصلاح -- ضحه من اجل دينه
---------------------------
الشاعر الحسيني
سيد عدنان الحمامي