عدنان الحمامي
09-01-08, 11:13 PM
بسمه تعالى
----------
حسين حبك غيره ابداً مانريد
سيدي ابلياه دنيانه اشتفيد
-----------------
ياحُسين بغير حبك بالعدم
سيدي او واحدنه بمحبتك سلم
اشريتنه ابدمك ينبراس الامم
للظلم لا من صحت وانذل يزيد
--------------------
نعم للموت اصرخت والكل سمع
ورفض چفك للمذله وماخضع
يظل شاهد اصبع المنه انگطع
لا أقر من صحت اقرار العبيد
---------------
الكل عفن اول رفض منك صدر
وصرختك يحسين ظلت بالدهر
حيًرت كل واعي ياصرح الفخر
يالسگيت الدين من دم الوريد
--------------------
بالوريد او دمه اصحابك واخوتك
ابذاك المثلث الگطع مهجتك
نبلته ابكل گلب حفرت صورتك
حتى ماعن حبك البينه نحيد
---------------
مانحيد ابحبك انجود النفس
يالتعلمنه ابعطش گلبك درس
كل جرح من البجسمك بيه نحس
ياعزيز الدمه يا اعظم شهيد
-------------------
ياشهيد المثلك ايخوف الرجال
وهوه جثه اموسده فوگ الرمال
وراسك اعله الرمح شامخ كالجبال
عَلم صار وبيه نهج جدك تعيد
-------------------
راسك الحملوه على طرف الرمح
رايه صار النهظتك واعلى صرح
وجسمك الماينحصي بيه چم جرح
سور شامخ صار يا اسعد سعيد
--------------------
ياحسين انته السعيد او بالعلى
شرف نالت بيك تربة كربله
الداء كل مايوس وصفوها اله
بيها يامولاي آلامه تهيد
-------------
اتهيد آلامه اليشمها التربتك
وگبتك كل اليناجي ابگبتك
اينال مقصوده ويحصل شارتك
لوطلع من يمك امحصل اليريد
---------------------
هالكرامه العندك وانته زغير
بالمهد وآيه المهد لجلك يصير
فطرس الهزه يرد جنحه ويطير
ابشرف مهدك سيدي اجناحه يعيد
-----------------
سيد عدنان الحمامي
ا
----------
حسين حبك غيره ابداً مانريد
سيدي ابلياه دنيانه اشتفيد
-----------------
ياحُسين بغير حبك بالعدم
سيدي او واحدنه بمحبتك سلم
اشريتنه ابدمك ينبراس الامم
للظلم لا من صحت وانذل يزيد
--------------------
نعم للموت اصرخت والكل سمع
ورفض چفك للمذله وماخضع
يظل شاهد اصبع المنه انگطع
لا أقر من صحت اقرار العبيد
---------------
الكل عفن اول رفض منك صدر
وصرختك يحسين ظلت بالدهر
حيًرت كل واعي ياصرح الفخر
يالسگيت الدين من دم الوريد
--------------------
بالوريد او دمه اصحابك واخوتك
ابذاك المثلث الگطع مهجتك
نبلته ابكل گلب حفرت صورتك
حتى ماعن حبك البينه نحيد
---------------
مانحيد ابحبك انجود النفس
يالتعلمنه ابعطش گلبك درس
كل جرح من البجسمك بيه نحس
ياعزيز الدمه يا اعظم شهيد
-------------------
ياشهيد المثلك ايخوف الرجال
وهوه جثه اموسده فوگ الرمال
وراسك اعله الرمح شامخ كالجبال
عَلم صار وبيه نهج جدك تعيد
-------------------
راسك الحملوه على طرف الرمح
رايه صار النهظتك واعلى صرح
وجسمك الماينحصي بيه چم جرح
سور شامخ صار يا اسعد سعيد
--------------------
ياحسين انته السعيد او بالعلى
شرف نالت بيك تربة كربله
الداء كل مايوس وصفوها اله
بيها يامولاي آلامه تهيد
-------------
اتهيد آلامه اليشمها التربتك
وگبتك كل اليناجي ابگبتك
اينال مقصوده ويحصل شارتك
لوطلع من يمك امحصل اليريد
---------------------
هالكرامه العندك وانته زغير
بالمهد وآيه المهد لجلك يصير
فطرس الهزه يرد جنحه ويطير
ابشرف مهدك سيدي اجناحه يعيد
-----------------
سيد عدنان الحمامي
ا