عدنان الحمامي
14-01-08, 08:28 PM
بسمه تعالى
-----------
المستهل
--------
ميدانه -- ميدانه -- لمن نزل ميدانه
كلها تفر من هالشاب -- صاحوا علي داحي الباب
لمن نزل ميدانه
---------------------------
الاكبر شبيه المصطفى -- حامل فراسة حيدر
نور الامامه اموشحه -- ابعطر النبوه امعطر
من الحسين المعرفه منه اخذ كل مصدر
علم وبلاغه منطقه -- منه العزم يتفجر
عنوانه -- عنوانه -- شبه النبي عنوانه
ناس التشوفه تنهاب -- صاحوا علي داحي الباب
---------------------------------
ابيوم الطفوف ابكربله -- جفَل اگلوب الفرسان
الاكبر بعزمه وصولته -- خلد درس للشبان
بالحرب لابس لامته -- مثل علي بالميدان
ماسلم كلمن بارزه -- ايجندله ابسيف الايمان
ايمانه -- ايمانه -- ابيوم الحرب ايمانه
من برز يتلاله اشهاب -- صاحوا علي داحي الباب
------------------------------
البكر ابن غانم من برز -- گال الفتى هذا امنين
جاوبه آنه ابن البطل -- فارس بدرها وحنين
آنه ابن سيد الرسل -- ريحانة الهادي حسين
بتاري هذا ابيمنتي -- والمفر من عندي وين
شريانه -- شريانه -- ينبض وفه شريانه
ميثني وحده لوصاب -- صاحوا علي داحي الباب
--------------------------------
امن المعركه رد للخيم -- وعين الابو اتباريله
يابويه مس چبدي العطش -- لحسين اجه يشكيله
بيه اثرت نار العطش -- وحيله تاثر حيله
وبالخيمه امه امفرعه -- ام للابن تدعيله
بلسانه -- بلسانه -- السان الابو بلسانه
يرويله چبده اللهاب -- صاحوا علي داحي الباب
----------------------------------
للمعركه رد ابعزم -- جاهد جهاد الابطال
ميثني وحده لوضرب -- اعليهم ابسيفه لو مال
لاچن أخذ منه العطش -- وجمر العطش بالدلال
التموا عليه ابلا رحم -- طعن ابرماح الانذال
خوَانه -- خوًانه -- التموا عليه خوَانه
وبهامته سيف انصاب -- صاحوا علي داحي الباب
-----------------------------
شاهده حسين امن البعد -- عالاكبر اتحومي ارماح
لحظه ويشوفه امن المهر -- بالمصرع اوليده طاح
بعدك على الدنيه العفه -- حسين بألم يبني صاح
گلبي يالاكبر ينگطع -- وبطيحتك چبدي طاح
عدوانه -- عدوانه -- فجعوا ابوه عدوانه
وامه ابدمعها السچاب -- صاحوا علي داحي الباب
---------------------------------------
موشح في حق الاكبر عليه السلام
-------------------
اخذ روحي اوياك لتخليها
لورحت شلي يالاكبر بيها
----------------
ها يالاكبر لمك اتودع اجيت
وين يبني ابروحتك گلي نويت
هاي ساحة حرب ليها لومشيت
خاف لمك ماتعاود ليها
-------------------
شلون يبني لورحت گلي شيظل
ياعزيز امك يسباح الامل
هم تگول امي عفتها بالوجل
لورحت عنها القهر يسليها
-------------------------
هم تگول امي تظل تهمل دمع
لوغبت تطوي على اغيابي الظلع
لا يالاكبر خاف لابيك انفجع
والبس اثياب الحزن تاليها
-----------------------
يبني برباك اجرعت مر الصبر
وجاهدت لجلك لياليها اشكثر
ومولحت عيني سگيتك للكُبر
وبالموادع عيني لتطفيها
-----------------------
لون عازم عالرحيل ابهمتك
وللحرب لابس ييمه لامتك
امك ارحمها يالاكبر جابتك
منته شمامته وتشم بيها
----------------------
خل تشمك خل تظمك للصدر
وبحظنها اتنيمك لاتعتذر
اتذكرك امك بايام الزغر
من چنت تغفه على ايديها
--------------------
انچان يبني اتگول لا هذا وعد
ماشي عنچ يمه ما ارجع بعد
روح الله اوياك وگليبي استعد
للمناحه وعيني دم لجريها
---------------------
روح يبني وخلي بگليبي الجرح
امل امك بيك تفرح ينذبح
والنصيب شهل النصيب اللي يشح
اعليك وايام الربه لنعيها
------------------
لنعي واعمي العين شلي بالضوه
ونته لرويحتي شمة هالهوه
امنين اجيب الفرگتك يبني دوه
وشوفتك يالاكبر التشفيها
-------------------
سيد عدنان الحمامي
-----------
المستهل
--------
ميدانه -- ميدانه -- لمن نزل ميدانه
كلها تفر من هالشاب -- صاحوا علي داحي الباب
لمن نزل ميدانه
---------------------------
الاكبر شبيه المصطفى -- حامل فراسة حيدر
نور الامامه اموشحه -- ابعطر النبوه امعطر
من الحسين المعرفه منه اخذ كل مصدر
علم وبلاغه منطقه -- منه العزم يتفجر
عنوانه -- عنوانه -- شبه النبي عنوانه
ناس التشوفه تنهاب -- صاحوا علي داحي الباب
---------------------------------
ابيوم الطفوف ابكربله -- جفَل اگلوب الفرسان
الاكبر بعزمه وصولته -- خلد درس للشبان
بالحرب لابس لامته -- مثل علي بالميدان
ماسلم كلمن بارزه -- ايجندله ابسيف الايمان
ايمانه -- ايمانه -- ابيوم الحرب ايمانه
من برز يتلاله اشهاب -- صاحوا علي داحي الباب
------------------------------
البكر ابن غانم من برز -- گال الفتى هذا امنين
جاوبه آنه ابن البطل -- فارس بدرها وحنين
آنه ابن سيد الرسل -- ريحانة الهادي حسين
بتاري هذا ابيمنتي -- والمفر من عندي وين
شريانه -- شريانه -- ينبض وفه شريانه
ميثني وحده لوصاب -- صاحوا علي داحي الباب
--------------------------------
امن المعركه رد للخيم -- وعين الابو اتباريله
يابويه مس چبدي العطش -- لحسين اجه يشكيله
بيه اثرت نار العطش -- وحيله تاثر حيله
وبالخيمه امه امفرعه -- ام للابن تدعيله
بلسانه -- بلسانه -- السان الابو بلسانه
يرويله چبده اللهاب -- صاحوا علي داحي الباب
----------------------------------
للمعركه رد ابعزم -- جاهد جهاد الابطال
ميثني وحده لوضرب -- اعليهم ابسيفه لو مال
لاچن أخذ منه العطش -- وجمر العطش بالدلال
التموا عليه ابلا رحم -- طعن ابرماح الانذال
خوَانه -- خوًانه -- التموا عليه خوَانه
وبهامته سيف انصاب -- صاحوا علي داحي الباب
-----------------------------
شاهده حسين امن البعد -- عالاكبر اتحومي ارماح
لحظه ويشوفه امن المهر -- بالمصرع اوليده طاح
بعدك على الدنيه العفه -- حسين بألم يبني صاح
گلبي يالاكبر ينگطع -- وبطيحتك چبدي طاح
عدوانه -- عدوانه -- فجعوا ابوه عدوانه
وامه ابدمعها السچاب -- صاحوا علي داحي الباب
---------------------------------------
موشح في حق الاكبر عليه السلام
-------------------
اخذ روحي اوياك لتخليها
لورحت شلي يالاكبر بيها
----------------
ها يالاكبر لمك اتودع اجيت
وين يبني ابروحتك گلي نويت
هاي ساحة حرب ليها لومشيت
خاف لمك ماتعاود ليها
-------------------
شلون يبني لورحت گلي شيظل
ياعزيز امك يسباح الامل
هم تگول امي عفتها بالوجل
لورحت عنها القهر يسليها
-------------------------
هم تگول امي تظل تهمل دمع
لوغبت تطوي على اغيابي الظلع
لا يالاكبر خاف لابيك انفجع
والبس اثياب الحزن تاليها
-----------------------
يبني برباك اجرعت مر الصبر
وجاهدت لجلك لياليها اشكثر
ومولحت عيني سگيتك للكُبر
وبالموادع عيني لتطفيها
-----------------------
لون عازم عالرحيل ابهمتك
وللحرب لابس ييمه لامتك
امك ارحمها يالاكبر جابتك
منته شمامته وتشم بيها
----------------------
خل تشمك خل تظمك للصدر
وبحظنها اتنيمك لاتعتذر
اتذكرك امك بايام الزغر
من چنت تغفه على ايديها
--------------------
انچان يبني اتگول لا هذا وعد
ماشي عنچ يمه ما ارجع بعد
روح الله اوياك وگليبي استعد
للمناحه وعيني دم لجريها
---------------------
روح يبني وخلي بگليبي الجرح
امل امك بيك تفرح ينذبح
والنصيب شهل النصيب اللي يشح
اعليك وايام الربه لنعيها
------------------
لنعي واعمي العين شلي بالضوه
ونته لرويحتي شمة هالهوه
امنين اجيب الفرگتك يبني دوه
وشوفتك يالاكبر التشفيها
-------------------
سيد عدنان الحمامي