عدنان الحمامي
14-01-08, 11:14 PM
بسمه تعالى
-----
المستهل
----------
اخت اتودع اخوتها -- شلون اتصير حالتها
باچر بالحزن والهم -- ورماد الخيم والدم
شلون اتصير حالتها
--------------------
هذا اليل خويه حسين شيخبرك
انه اختك وصبري من عزم صبرك
وعمر اختك يخويه من على عمرك
يمصباح النوايب لايطر فجرك
ليل ومامثل هاليل -- موادع والدموع اتسيل
ميظل لاشمل ملتم -- ورماد الخيم والدم
------------------------------
ظل اظلم يليل الفجر منريده
ولا تفجع حسين ابذبحة اوليده
اخويه ايموت حتى اليرتضع بيده
عبد الله السهم من يگطع اوريده
ورمله حظنته الجسام -- سهرانه وبعد متنام
ودمع العين يتكلم -- ورماد الخيم والدم
--------------------------
لايسلم رضيع ولاخدر النه
وچفوف الگمر يتگطعن منه
وعلي الاكبر سيوف اعداه يولنه
وساعات المحن مدري شيراونه
الاكبر ماتشوفه العين -- باچر بالمحن يحسين
ونته بهل المحن تعلم -- ورماد الخيم والدم
------------------------
تعلم باليصير اعلينه واليجري
واليله انشدك حسرتي ابصدري
آنه امخدره لو ينسلب خدري
يحسين وبعد شيفيدني عمري
شلي بالعمر بعدك -- لوباچر صرت وحدك
واعلينه العدو اتقدم -- ورماد الخيم والدم
----------------------------
من يهتم يخويه حسين بعيلك
اليله امأمنه يبن الابو ابجالك
لوحز منحرك يحسين چتالك
وعباس الذي ماعاد لطفالك
خويه اخلافك بياحال -- اطفال وحرم وعيال
بعيالك منو اليهتم -- ورماد الخيم والدم
-------------------------
خويه حسين اختك رايده اتشمك
وتقَبلَك تريد إوصيه من امك
وهذا اليل مانامه اظل يمك
اشوفه اچبير صاير هالمسه همك
اتوصي اختك بالوصيَه -- صبر امنين ظل بيه
من هاليل يتهدم -- ورماد الخيم والدم
--------------------------
تجليبه ليلة العشر
-------------
اليله ويه اخوتي هالشمل ملتم
وباچر بالبواچي والحزن والهم
----------------------
اليله أويه الأسود الرابظه يمي
اعيالي امأمنه ومأمنه اخيمي
مسرور الگلب بحسين ابن امي
ولوطول دهر هاليل ما اهتم
--------------------
ما أهتم دهر لو طال هذا الليل
ويبقه بالسمه ميغيب نجم اسهيل
ابشوفتهم لخوتي يظل بيه الحيل
ولو صار الصبح هالحيل يتهدم
-------------------
يتهدم اخاف الحيل بالمصباح
والعباس اخويه اعله النهر لوطاح
شيرد الخدر مني الخدر لو راح
واگبالي الجثث ونحور تنزف دم
-----------------------
دم ورماد باچر تنظر اعيوني
وشلون اخوتي اليله يودعوني
وانه امساهره وماتطبگ اجفوني
باچر يارضيع امن الذبح يسلم
---------------------
يسلم يارضيع امن الذبح نحره
وعبد الله الرباب اتودعه ابنظره
ورمله اعله الشباب الظلت بحسره
بس هاليل وياه بيه اظن تعلم
-------------------------
تعلم بيه امه وبيش تتصبر
وليله اللي غدة تنحب على الاكبر
اشلون اتنام ليل اوداع ما تگدر
خيَم هالحزن عل العايله خيم
----------------------
لعبد لرضيع ع
------------------- الوزن فائزي
-----------
بعدك رضيع ابياذنب يبني يحرموك
صابتك نبلة حرمله وبيها يفطموك
---------------------
عبد الله يبني شحملت تعبت اللجفون
روحي تلولي يالولد مهدك بالعيون
يالرحت گلب امك بعد مايهجع اشلون
يوليدي ماعدهم رحم ظامي يشوفوك
-------------------
يبني تسع تشهر چنت اسهر واتاني
تعب التعبته والسهر لا ما لواني
يحرمني منك ياسبب يبني زماني
اگلوب العده بلچن تحن يوليدي يرووك
---------------------
عبد الله ثدي امك يبس لالبن ظل بيه
راح اعصر اعيوني الك والچبدك ارويه
جمر الظمه بلچي الدمع يوليدي يطفيه
امنين اجت لمك كربله بيها يروعوك
---------------------
يبني المنيه چن دنت وتحومي يمك
ابروحي تعال اغفه رغد منها تظمك
اشلون الها روح اتفارگك لوغبت امك
مو سهله ودعت الاهل يبني ويودعوك
---------------------
گومي يزينب للطفل من يمي شيليه
ما اسمع ايناغي بعد بلچن تناغيه
كل نفس مابيه بس جسد عبد الله شوفيه
ابحظن امك اتموت العده يوليدي يردوك
----------------------
يحسين اخذه للطفل ماي ويشربوه
زغيرون بعده يرتضع بلچن يرحموه
بس لايجيه سهم القدر وبيدك يذبحوه
ويگطع وريده حرمله ابفگده يبچوك
---------------------
سيد عدنان الحمامي
-----
المستهل
----------
اخت اتودع اخوتها -- شلون اتصير حالتها
باچر بالحزن والهم -- ورماد الخيم والدم
شلون اتصير حالتها
--------------------
هذا اليل خويه حسين شيخبرك
انه اختك وصبري من عزم صبرك
وعمر اختك يخويه من على عمرك
يمصباح النوايب لايطر فجرك
ليل ومامثل هاليل -- موادع والدموع اتسيل
ميظل لاشمل ملتم -- ورماد الخيم والدم
------------------------------
ظل اظلم يليل الفجر منريده
ولا تفجع حسين ابذبحة اوليده
اخويه ايموت حتى اليرتضع بيده
عبد الله السهم من يگطع اوريده
ورمله حظنته الجسام -- سهرانه وبعد متنام
ودمع العين يتكلم -- ورماد الخيم والدم
--------------------------
لايسلم رضيع ولاخدر النه
وچفوف الگمر يتگطعن منه
وعلي الاكبر سيوف اعداه يولنه
وساعات المحن مدري شيراونه
الاكبر ماتشوفه العين -- باچر بالمحن يحسين
ونته بهل المحن تعلم -- ورماد الخيم والدم
------------------------
تعلم باليصير اعلينه واليجري
واليله انشدك حسرتي ابصدري
آنه امخدره لو ينسلب خدري
يحسين وبعد شيفيدني عمري
شلي بالعمر بعدك -- لوباچر صرت وحدك
واعلينه العدو اتقدم -- ورماد الخيم والدم
----------------------------
من يهتم يخويه حسين بعيلك
اليله امأمنه يبن الابو ابجالك
لوحز منحرك يحسين چتالك
وعباس الذي ماعاد لطفالك
خويه اخلافك بياحال -- اطفال وحرم وعيال
بعيالك منو اليهتم -- ورماد الخيم والدم
-------------------------
خويه حسين اختك رايده اتشمك
وتقَبلَك تريد إوصيه من امك
وهذا اليل مانامه اظل يمك
اشوفه اچبير صاير هالمسه همك
اتوصي اختك بالوصيَه -- صبر امنين ظل بيه
من هاليل يتهدم -- ورماد الخيم والدم
--------------------------
تجليبه ليلة العشر
-------------
اليله ويه اخوتي هالشمل ملتم
وباچر بالبواچي والحزن والهم
----------------------
اليله أويه الأسود الرابظه يمي
اعيالي امأمنه ومأمنه اخيمي
مسرور الگلب بحسين ابن امي
ولوطول دهر هاليل ما اهتم
--------------------
ما أهتم دهر لو طال هذا الليل
ويبقه بالسمه ميغيب نجم اسهيل
ابشوفتهم لخوتي يظل بيه الحيل
ولو صار الصبح هالحيل يتهدم
-------------------
يتهدم اخاف الحيل بالمصباح
والعباس اخويه اعله النهر لوطاح
شيرد الخدر مني الخدر لو راح
واگبالي الجثث ونحور تنزف دم
-----------------------
دم ورماد باچر تنظر اعيوني
وشلون اخوتي اليله يودعوني
وانه امساهره وماتطبگ اجفوني
باچر يارضيع امن الذبح يسلم
---------------------
يسلم يارضيع امن الذبح نحره
وعبد الله الرباب اتودعه ابنظره
ورمله اعله الشباب الظلت بحسره
بس هاليل وياه بيه اظن تعلم
-------------------------
تعلم بيه امه وبيش تتصبر
وليله اللي غدة تنحب على الاكبر
اشلون اتنام ليل اوداع ما تگدر
خيَم هالحزن عل العايله خيم
----------------------
لعبد لرضيع ع
------------------- الوزن فائزي
-----------
بعدك رضيع ابياذنب يبني يحرموك
صابتك نبلة حرمله وبيها يفطموك
---------------------
عبد الله يبني شحملت تعبت اللجفون
روحي تلولي يالولد مهدك بالعيون
يالرحت گلب امك بعد مايهجع اشلون
يوليدي ماعدهم رحم ظامي يشوفوك
-------------------
يبني تسع تشهر چنت اسهر واتاني
تعب التعبته والسهر لا ما لواني
يحرمني منك ياسبب يبني زماني
اگلوب العده بلچن تحن يوليدي يرووك
---------------------
عبد الله ثدي امك يبس لالبن ظل بيه
راح اعصر اعيوني الك والچبدك ارويه
جمر الظمه بلچي الدمع يوليدي يطفيه
امنين اجت لمك كربله بيها يروعوك
---------------------
يبني المنيه چن دنت وتحومي يمك
ابروحي تعال اغفه رغد منها تظمك
اشلون الها روح اتفارگك لوغبت امك
مو سهله ودعت الاهل يبني ويودعوك
---------------------
گومي يزينب للطفل من يمي شيليه
ما اسمع ايناغي بعد بلچن تناغيه
كل نفس مابيه بس جسد عبد الله شوفيه
ابحظن امك اتموت العده يوليدي يردوك
----------------------
يحسين اخذه للطفل ماي ويشربوه
زغيرون بعده يرتضع بلچن يرحموه
بس لايجيه سهم القدر وبيدك يذبحوه
ويگطع وريده حرمله ابفگده يبچوك
---------------------
سيد عدنان الحمامي